खोज

बाँके चैत्र ३ गते ।

जल तथा मौसम विज्ञान कार्यालय बाँकेले भोली विहिवार सामान्य हावाहुरी, पानी र चट्याङ आउने अनुमान गरेको छ । बाँकेमा आज बुधवार मौसम बदली भए पनि दिनमा घाम लागेको थियो तर जल तथा मौसम विज्ञान विभाग कार्यालय बाँकेले विहिवार सामान्य हावाहुरी, पानी र चट्याङ आउने बताएको छ ।

बाँके र बर्दियमा विहान देखि हल्का हुन्दै मध्य सम्म बर्षाको सम्भावना रहेको जल तथा मौसम विज्ञान विभाग काठमाण्डौले जानकारी दिएको छ । यो क्रम पर्सी शुक्रवार सम्म जानसक्ने समेत सम्भावना रहेको छ । हावाहुरी, पानी र चट्याङबाट असर पर्ने कुनै पनि क्रियाकलाप नगर्न समेत मौसम विभागले आग्रह गरेको छ । गत बर्षको भन्दा यो बर्षको मौसम धेरै फरक छ । गत बर्ष हिउद महिनामै पानी परेको थियो भने यो बर्ष हिउँदे महिनामा पानी नपरेर बैशाखको आसपासमा पानी पर्न शुरु भएको छ ।

गत बुधबारको हावाहुरी र पानीले बाँके र बर्दियाका किसानहरुले बाटेर राखेको गाँहु बाली नोक्सान गरेको छ । बर्षाले बाँके र बर्दियाका किसानहरुले गाँहु वाली भित्रीयाउन नसकेको बर्दिया बढैयाताल गाँउपालिका वडा नंं ५ का किसान रामबहादुर थारुले बताए । काटेको गाँहु भित्र्याउन बाँकी छ नकाटेको गाँहु पनि अव पर्ने पानीले नोक्सानी हुने किसान थारुले बताए ।

केही दिन अघि परेको पानीले नकाटेको गँहुलाई नोक्सानी गर्दैन तर बारम्वार पानीले भिजेपाछि गँहुलाई नोक्सानी हुने एकिकृत कृषि तथा पशु पंछि विकास कार्यालयका प्रमुख सागर ढकालले बताए । बर्दियामा धेरै गाँहु वाली काट्न बाँकी छन् । किसानहरुलाई अहिले नै गहुँ नकाट्न आग्रह समेत गरिएको छ ।

गत बुधबार राती परेको पानीले भिजाएको गँहलाई अझैसम्म भित्रियाउन नसकेको भन्दै बाँकेको जानकी गाँउपालिका वडा नंं ५ का किसान रामदिन वर्माले दुखेसो पोखे । उनी भन्छन् – “खेतमा अझै पानी जमेको छ, काटेर राखेको गँहुलाई बहिरा सुकाउन राखेका छौ, नकाटेको गँहु खेतमै ढल्न थालेको छ । अव २÷३ दिन अरु खेतमा पानी रह्यो भने गाँहु खेतमै कुहिने छ । ”

गत वर्षभन्दा यस वर्ष गहुँ उत्पादन राम्रो भए पनि बेमौसमी वर्षाले हिँउदे बाली भित्र्याउन नपाएका किसानहरुलाई धेरै नोक्सानी बेहोर्नु परेको छ ।