खोज

आज नयाँ बर्ष २०८२ को पहिलो दिन । विक्रम सम्वतको सम्वतसर नयाँ वर्ष २०८२ सुरु भएको छ । नयाँ वर्षले नेपालीहरूका लागि थुप्रै आशा, अवसर र संभावनाहरू लिएर आएको छ । खासगरि पुरानो वर्ष २०८१ नेपालीहरूका लागि त्यति आशाप्रद नभएको र हुन नसकेको सन्दर्भमा नेपालीहरूका मुहारमा निश्चितै रूपमा नयाँ वर्षप्रति आशाको संचार भएको छ । यही भएरपनि होला सायद विगतका नयाँ वर्षहरूमा नेपालीजनमा जुन उत्साह र उमंग देखिन्थ्यो त्यो भन्दा कैयौं गुणा बढी हर्षको उहापोह अहिलेको नयाँ वर्षमा प्रकट हुने निश्चित भएको छ । नेपालीहरूमा देखिएको यो उत्साहको अवसर वर्षैभरी देख्न, हेर्न र सुन्न पाइयोस भन्ने कामना आम जनताको छ । र, वास्तवमै प्रकृतिले पनि त्यो संभावनाको अवसरलाई बल प्रदान गर्ने विश्वास सवैले लिएका छन । प्रकृतिभन्दा शक्तिशाली अरू कोही छैन भन्ने कुराको प्रमाण त गएको वर्ष आएको विनासकारी बाढी पहिरो, त्यो भन्दा अघिल्लो बर्षको सुदूर पश्चिममा आएको भुकम्पले प्रमाणित गरिसकेको छ । प्रकृति बलवान छ र मानिस भनेको प्रकृतिकै वरिपरी चक्र काटने अंगमात्रै हो । भुकम्पको पीडा अझैपनि नेपाली मनमा ज्यूँदै छ । पुनर्निर्माणको कुरा सरकार गरिरहेको छ तर पीडित जनताले कष्टकर जीवनवाट मुक्ति पाएका छैनन । वास्तवमा २०८१ साल नेपालीका लागि खुसीको बर्ष वन्न नसकेको परिपे्रक्ष्यमा नयाँ वर्ष २०८२ ती सवै अभिषाप पखाल्ने वर्षको रूपमा आओस् भन्ने कामना गर्नुपर्दछ । राजनीतिक अस्थीरता र बाढी पहिरो पुरानो वर्षको कष्टदायी सन्दर्भ वनेर आएको विर्सन सकिदैन् ।नयाँ बर्षको अवसरमा पुरानो बर्षको समीक्षा र सम्झनाका साथै नयाँ बर्ष सुख, शान्ति र सम्मृद्धिको बर्षकोक रूपमा रहोेस् भन्ने कामना समेत गर्ने परम्परा छ । पुरानो बर्ष बित्ने र नयाँ बर्ष आउने परम्परा नै हो । हरेक वर्ष नयाँ अनुभव थपिन्छ र पुरानो वर्ष बित्छ र नयाँ वर्ष आउँछ । भनिन्छ नयाँ बर्षले पुरानो घटना विर्सन सहयोग र बल पनि प्राप्त हुन्छ । यो वर्षको उपलब्धि, सकारात्मक सोच र प्रगतिको कामना गर्नु हामी आम नेपाली जनजनको कर्तब्य पनि हो । तर, पछाडी फर्केर हेर्ने हो भने नयाँ बर्षको खुसीमा रमाउनुभन्दा पुरानो बर्षले दिएको पीडा धेरै छ ।

वितेको बर्ष रुस युक्रेन युद्धमा दर्जनौं नेपालीले ज्यान गुमाएका छन् । हवाई दुर्घटनामा संघीय राजधानी काठमाण्डौंमा १८ यात्रुको दुःखद अवसान भयो । चितवन मुग्लिङ सडक खण्डमा दुई बस पहिरोमा पुरिँदा ५६ जनाको मृत्यु भयो । त्योमात्रै होइन, इजरायल र हमास युद्धले समेत नेपालीलाई पीडा दिएको छ । तसर्थ नयाँ बर्षको औपचारिकता आफ्नो ठाउँमा छ । पुरानो बर्षको स्मृतिले झनै पीडा दिने गरेको छ । जेहोस् पुरानो विगतलाई बिर्सेर भएपनि नयाँ बर्षको आगमनमा खुसी हुनु र रमाउनु हाम्रो परम्परा र औपचारिकता पनि हो । नेपाल र नेपालीको यो बर्षौदेखिको परम्परा हो । पुराना घटनाबाट पाठ सिकेर नयाँ बर्षमा गल्ती नदोहो¥याउने प्रण गर्नुपर्दछ । नयाँ बर्ष हरेक प्रकारले उन्नती र प्रगति उन्मुख हुन सकोस् । संभावनाहरूको ढोका कहिल्यै वन्द हुँदैन । आशाको संचार जीवितै हुन्छ । रात रहे अग्राह पलाए भनेझै नेपालीहरूले कहिल्यै हरेस खाएनन् र अन्ततः पुरानो खराव वर्षलाई विदा गरिसकेका छौं र नयाँ वर्षको नयाँ विहानी हाम्रो माझ आएको छ । अतः नयाँ वर्ष सम्मृद्धिको बर्ष बनोस भन्ने आम नेपालका िचाहना हो । सवै नेपालीहरूमा नयाँ वर्षको नयाँ विहानीको हार्दिक शुभकामना । साथै प्रगति र सम्मृद्धिको लाखौं लाख शुभकामना ।