खोज

लन्डन, २९ चैत ।

रूस र पश्चिमी देशहरू बीचको तनावले सम्पूर्ण विश्वको इन्टरनेटलाई ठप्प पार्न सक्ने खतरा औल्याइएको छ ।

रुसी आक्रमणपछि टेलिकम कम्पनीहरूले विश्वव्यापी इन्टरनेट बन्द हुने चेतावनी दिएका छन् । बेलायतका टेलिकम कम्पनीहरूले पनडुब्बी केबल नेटवर्कलाई ‘आवश्यक पूर्वाधार’ घोषणा गर्न आग्रह गरेका छन् । नाटो देशका सैन्य प्रमुखले पनि समुद्र मुनिका केबलहरूमा रुसी आक्रमणको आशंका पछि विश्वव्यापी इन्टरनेट ब्ल्याकआउट हुने चेतावनी दिएका छन् ।

बेलायतका प्रमुख दूरसञ्चार कम्पनीहरूले उचित संरक्षण र लगानी पाउनका लागि समुद्र मुनि केबल नेटवर्कलाई ‘आवश्यक पूर्वाधार’ घोषणा गर्न सरकारलाई आग्रह गरेका छन् । नभएमा हामी सबैले प्रयोग गरिरहेको फोन इन्टरनेटलाई रूसले नष्ट गर्न सक्नेछ।

यस क्षेत्रमा बढ्दो खतरा र साइबर हमलालाई ध्यानमा राख्दै सरकारले सुरक्षा व्यवस्था मजबुत बनाउनुपर्ने कम्पनीको भनाइ छ, अन्यथा ठूलो क्षति हुनसक्छ । दूरसञ्चार कम्पनीहरूले पनि शत्रुहरूका आक्रमणहरू निरन्तर बढ्दै गएको र सरकारले सुरक्षा उपायहरूलाई थप बलियो बनाउन आवश्यक रहेको बताएका छन्।

टेलिकम कम्पनीहरूले खुला पत्रमा लेखेका छन्, ‘समुद्री केबलहरूमा भएको क्षतिको नतिजा युरोपभन्दा धेरै टाढासम्म फैलिन सक्छ, सम्भावित रूपमा विश्वव्यापी इन्टरनेट र ऊर्जा पूर्वाधार, अन्तर्राष्ट्रिय सञ्चार, वित्तीय लेनदेन र विश्वभरका महत्वपूर्ण सेवाहरूमा बाधा पुर्‍याउन सक्छ।’

रुस–युक्रेन युद्धपछि युरोपेली देशहरूसँगको ठूलो तनावका कारण समुद्र मुनि फैलिएको इन्टरनेट केबल काट्न सक्ने खतरा उत्तिकै रहेको छ । । कतिपयले रुसी गुर्गेले यो गर्न खोजिरहेका छन् भनी बताएका छन् ।

जनवरीमा, रक्षा सचिव जोन हेलीले रूसी केबल आक्रमणको प्रतिक्रियामा अवरोधलाई बढ्दो रूसी आक्रामकताको अर्को उदाहरण भनेका थिए । ‘म पनि राष्ट्रपति पुटिनको यो सन्देश सुन्न चाहन्छु, हामी तपाइँलाई देख्छौं, तपाइँ के गरिरहनु भएको छ हामीलाई थाहा छ, र हामी यो देशको रक्षा गर्न कडा कदम चाल्न पछि हट्ने छैनौं,’ उनले भने।

योसँगै चीनले ताइवानसँगको तनावमा अमेरिकाजस्ता देशले ताइवानलाई सहयोग गरेको इन्टरनेट केबल काट्ने धम्की आएको छ । भोडाफोन, ओटुका मालिक टेलिफोनिका र ओरेन्जले आफ्नो केबलमा पहिले नै तोडफोड भएको जनाइसकेका छन् ।