खोज

बुटवल, २९ चैत ।
रुपन्देहीमा चौथो एमजीके अन्तराष्ट्रिय कराते च्याम्पियनसिप २०२५ हुने भएको छ । तिलोत्तमा नगरपालिकाको सहयोग र जापान गोजु रियो कराते डो मिसन संघ, नेपालको आयोजनामा वैशाख ५ र ६ गते दुई दिनसम्म हुने प्रतियोगिताको तयारी अन्तिम चरणमा पुगेको शुक्रबार पत्रकार सम्मेलन गरि संघका संस्थापक अध्यक्ष केबी राना (काजी)ले बताए । चार उमेर समुहमा विभिन्न तौलमा रहेर कुमुते र काता गरि महिला/पुरुष प्रतियोगितामा खेलाडीहरुले प्रतिस्पर्धा गर्ने उनले बताए ।

प्रतियोगितामा यु–९ ब्यायज र गल्स (कुमुते र काता) समुहमा २०, २५ र २९ केजी तौल, यु–१४ तर्फ ब्यायज र गल्स (कुमुते र काता) ३०, ३५, ४०, ४५, ५० केजी तौल, यु–(१५–१७) उमेर समुहमा ब्यायज र गल्स (कुमुते र काता) ४०, ४५, ५०, ५५, ६० केजी गरि पाच तौल समूह, सिनियर १८ वर्षमाथि ब्यायजमा (कुमुते र काता) ५०, ५५, ६०, ६७, ७५, ८४ केजी तौल तथा गल्समा ४५, ५०, ५५, ६१, ६८, ६८ प्लस तौल समुहमा खेल हुने उनले बताए । प्रतियोगिताको विजेताहरुलाई ट्रफि, मेडल, प्रमाणपत्रबाट पुरस्कृत गरिने उनले बताए । २०० पदकका लागि प्रतिस्पर्धा हुने उनले बताए । प्रतियोगितामा नेपाल सहित भारत, भुटानका करिब २५० जना खेलाडीहरु प्रतिस्पर्धा गर्ने उनले बताए ।

कार्यक्रममा संघका संस्थापक अध्यक्ष केबी राना (काजी) ले खेल अनुसासन सबैभन्दा महत्वपूर्ण हुने भन्दै देशको राजनितिक अवस्थाका कारण खेल विकास हुन नसकेको दुखेसो गरे । न्युनतम १४ वर्ष उमेर पुगेकोलाई तालिम लिएपछि परिपक्क भएर ब्ल्याक बेल्ट दिनु उपयुक्त हुने उनले बताए ।

कार्यक्रममा जापान गोजु रियो कराते डो मिसन संघ, नेपालका सल्लाहकार भरत बहादुर केसीले दक्षिण एशियाको ध्यान नै प्रतियोगिताका कारण लुम्बिनीको चर्चा चलिरहेको बताए । २२ वटा करातेहरुमध्ये जापान गोजु रियो कराते अन्तराष्ट्रिय मंचमा चिनिएको विधा भएको उनले दाबी गरे । यो कराते अब्बल, उत्कृष्ट ब्यवस्थापन रहेको उनले दाबी गरे । खेलाडिहरुलाई स्वागत र ब्यवस्थापनमा आफू लागिरहेको उनले बताए ।

कार्यक्रममा नेपाल खेलकुद पत्रकार मंचका अध्यक्ष सुमन अधिकारीले देशलाई अन्तराष्ट्रिय मंचमा चिनाउने खेलहरुमध्ये मार्शल आर्ट विधा महत्वपुर्ण भएको बताए । युवाहरुलाई अनुसासित गराउने र खेल भावना विकास गर्न मदत गर्ने उनले बताए ।
कार्यक्रममा वरिष्ठ पत्रकार शेर बहादुर केसी, संघका जिल्ला सदस्य रामु बस्नेतले दुई दशक बढी कराते खेलमा यो विधाबाट दक्ष खेलाडीहरु उत्पादन भएको बताए ।