खोज

बुटवल, २८ चैत । बुटवलमा जारी प्रिती प्रथम उपमेयर कप नकआउट फुटबल प्रतियोगिता २०८१ मा ट्रिनेटि युवा क्लब, वालिङ फाईनलमा प्रवेश गरेको छ। एशियन थाई फुट प्रालिको (प्रिती) मुख्य प्रायोजक, बुटवल उपहानगरपालिकाको संरक्षकत्वमा बिस पचहत्तर युवा क्लबको आयोजनामा विहिबार भएको दोस्रो सेमीफाईनल खेलमा एमएससी भारतलाई ४-० गोलले पराजित गर्दै ट्रिनेटि युवा क्लब, वालिङ विजयी हुदै उपाधि दाबेदारी पेश गरेको हो । ट्रिनेटि युवा क्लबले शनिबार उपाधिका लागि राईजिङ स्टार क्लब कपिलबस्तुसंग फाईनलमा खेल्नेछ ।

वर्षाका कारण प्रभावित सिद्घेश्वरी खेल मैदान खेल शुरु गर्न केहि ढिला भयो। ६० मिनेटमा छोट्याईएको खेलमा वालिङको जितमा पुर्णिया राईले ह्याट्रिक गरिन। खेलको १७ मिनेटमा ट्रिनेटि युवा क्लबका पुर्णिमा राईले खाता खोले। खेलको २८ अौ मिनेटमा ट्रिनेटि युवा क्लबका सिमरन राईले डिबक्सबाहिरबाट गरेको प्रहार एमएससी भारतकी गोलकिपर नितुको हातबाट फर्किएको बललाई पुर्णिमा राईले गोलमा परिणत गरे। खेलको ५० अौ मिनेटमा पुर्णिमा राईले आफनो ह्याट्रिक पुरा गरिन। खेलको ५८ अौ मिनेटमा सिमरन राईले गोल थप्दै अन्तरलाई बढाए।

खेलमा उत्कृष्ट खेल प्रदर्शन गरेकी वालिङकि पुर्णिमा राई प्लेयर अफ दी म्याचबाट पुरस्कृत भईन। उपाधिका लागि फाईनल खेल शनिबार हुने संयोजक बुद्घि बहादुर दर्जीले बताए।