© २०२३
४ पुष २०८२, शुक्रबार
४ पुष २०८२, शुक्रबार
काठमाडौं ।
तेस्रो तथा अन्तिम युथ एकदिवसीय अन्तर्राष्ट्रिय क्रिकेट प्रतियोगितामा नेपाली युवा टोलीले अफगानिस्तानको १९ वर्षमुनिको टोलीलाई ८५ रनले हराएको छ। नेपालले १ सय ९२ रनको लक्ष्य अफगानिस्तानलाई दिएको थियो, जुन वर्षाका कारण रोकिएको खेलमा डीएलएस मेथडका आधारमा नेपाल विजयी भएको हो।
अफगानिस्तानले २० ओभर १ बलमा ६ विकेट गुमाएर ४६ रन बनाएको अवस्थामा खेल रोकियो। नेपालका अपराजित पौडेलले २ विकेट लिए, र अन्य चार खेलाडीले १/१ विकेट हात पारे।नेपालले ४४ ओभर ५ बलमा १ सय ९१ रन बनाएको थियो, जसमा साहिल पटेल र निरजकुमार यादवले क्रमशः ४६ र ४२ रनको योगदान दिए। अफगानिस्तानका हफीज जाद्रनले ४ विकेट लिए।
युथ एकदिवसीय शृङ्खला अफगानिस्तानले पहिला नै जितेको थियो, जसमा अफगानिस्तानले नेपाललाई पहिलो खेलमा १ सय ३० रन र दोस्रो खेलमा १ रनले हराएको थियो।नेपाल र अफगानिस्तानको टोली १९ वर्षमुनिको विश्वकप छनोटको तयारीमा रहेका छन्, जसको खेल आउँदो आइतवारदेखि नेपालको मूलपानी मैदानमा हुनेछ।
© २०२३
सर्वाधिकार सुरक्षित
Design & Developed By:
