खोज

बुटवल, २६ चैत्र ।
असहमतिका कुरा संवैधानिक ढंगबाट राख्न दिएको सम्बैधानिक अधिकारको दुरुपयोग गरि वर्तमान व्यवस्थामाथि भैरहेको हमलालाई लोकतान्त्रिक शक्तिहरुले स्वीकार्न नसक्ने लुम्बिनी प्रदेशका भौतिक पूर्वाधार विकासमन्त्री भूमिश्वर ढकालले दाबी गरेका छ । देशमा देखिएको पछिल्लो गतिविधिलाई औल्याउदै उनले जनताको लामो लडाईबाट प्राप्त अधिकार खोस्न जुन प्रकारको अराजक र नकारात्मक राजनीतिको आडमा जनतालाई आंतकित पार्ने काम राज्यबाट नियन्त्रणमा लिएर कानुनी कारवाहि गर्ने प्रतिवद्धता व्यक्त गरे । रुपन्देही व्यापार संघले मंगलवार बुटवलमा आयोजना गरेको नव वर्ष २०८२ को शुभकामना आदानप्रदान, क्यालेन्डर तथा बुलेटिन विमोचन कार्यक्रममा बोल्दै मन्त्री ढकालले २०८१ साल नेपाली जनता तथा आम उद्योगी व्यवसायीहरुका लागि सोचेंको जस्तो सहज हुन नसकेको बताए ।
आगामी वर्षलाई समृद्धि र कार्यान्वयनको बर्षका रुपमा बनाउन लाग्ने उनले बताए ।

राजनीतिक रुपमा देखिएका केहि दक्षिणपन्थी बाछिटाहरुले मुलुकमा अराजक र अस्थिरताको स्थिती पैदा गरेको बताउदै उनले त्यसको सामना गर्न र सरकारले ल्याएका अध्यादेशले इंगित गरेका विषयलाई कार्यान्वन गर्ने काममा प्रतिवद्ध भएर लाग्न उत्साह थप्ने विश्वास व्यक्त गरे । मन्त्री ढकालले अर्थतन्त्रको विकास र व्यवसायीक मैत्री वातावरण बनाउन सरकारले उद्योगी व्यवसायीहरुको भावना अनुसार विद्येयकहरु ल्याएको स्मरण गराउदै जनतामा रहेको निराशालाई अराजक समुहले भड्काउको राजनीतिक एजेन्डा बनाएको भन्दै कडा शब्दमा निन्दा गरे ।
कार्यक्रममा संघका संस्थापक अध्यक्ष मोतीराज ज्ञवालीले वितेको वर्षबाबट शिक्षा लिदै नयाँ वर्षमा नयाँ ढंगले काम गर्ने प्रेरणा सबैमा आउने विश्वास व्यक्त गरे । उनले नेपालको अर्थतन्त्रमा देखिएको शिथिलताले व्यवसायबाट पलायन हुने अवस्था बढेकोतर्फ राज्यले ध्यान पु¥याउनु पर्ने सुझाव दिए ।

कार्यक्रममा संघका पूर्व अध्यक्षहरु टंकप्रसाद पोखरेल, मोतिलाल पाण्डे, नेपाल औषधि व्यवसायी महासंघका पूर्व केन्द्रीय अध्यक्ष बाबुराम भट्टराई, बुटवल उद्योग वाणिज्य संघका अध्यक्ष हरिप्रसाद अर्याल, रुपन्देही उद्योग संघका अध्यक्ष दिलिप सापकोटा, बुटवल उपमहानगर पालिका वडा नं.४ का अध्यक्ष नरिश्वर शर्मा पौडेल, संघका सल्लाहाकार माधव नेपाल, जोगलाल विक लगायत बोल्दै नयाँ वर्षले सबैमा सुख शान्ति प्रदान गर्दै व्यवसायीक रुपमा देखापरिरहेका अप्ठ्याराहरुको सामना गर्दै व्यवसाय चलायमान बन्ने विश्वास व्यक्त गरेका छन् ।
कार्यक्रममा संघका अध्यक्ष दिपक अधिकारी, महासचिव फर्सुराम पन्थ, सचिव मनहरी बस्याल
सो अवसरमा संघले प्रकाशन गरेको नयाँ वर्ष २०८२ सालको क्यालेण्डर तथा बुलेटिन कार्यक्रमका प्रमुख अथिति लुम्विनी प्रदेशका भौतिक योजना मन्त्री भूमिश्वर ढकालले विमोचन गरे ।