खोज

दाङ, २२ चैत।
दाङको घोराहीमा जारी मुख्यमन्त्री कप प्रदेश स्तरीय महिला भलिबल प्रतियोगितामा विजयी हुदै पाल्पा र रोल्पा सेमीफाईनलमा स्थान पक्का गरेको छ । प्रदेश खेलकुद परिषद, लुम्बिनीको आयोजनामा शुक्रबार दोस्रो क्वाटरफाइनलमा दाङलाई ३–० को सोझो सेटमा हराउँदै पाल्पा सेमिफाइनल स्थान बनाएको हो । घोराही उपमहानगरपालिका वडा नम्बर १५ स्थित जिल्ला समन्वय समितिको सहिद मञ्चमा जारी प्रतियोगिताको अर्को क्वाटरफाईनलमा विजयी हुदै रोल्पा अन्तिम चारमा स्थान बनाउन सफल भएको छ । सेमीफाईनलमा पाल्पा र रोल्पा जिल्लाबिच प्रतिस्प्रर्धा हुने छ ।

लिगकम नकआउटको आधारमा खेलाइएको मुख्यमन्त्री कप प्रदेशस्तरीय महिला भलिबल प्रतियोगितामा प्रदेशका १२ वटै जिल्लाबाट महिला भलिबल खेलाडीहरु बिच प्रतिस्प्रर्धा भैरहेको प्रदेश खेलकुद परिषदका सदस्य सचिव तिरन गौतमले बताए ।

तेस्रो क्वाटरफाइनलमा बाँके र रुकुम पूर्व बीच खेल हुँदा चौथो क्वाटरफाइनलमा रुपन्देही र अर्घाखाँची बीच खेल हुने उनले बताए । प्रदेशमा दक्ष महिला खेलाडी उत्पादन गर्न र भलिबलको विकासका लागि प्रदेश स्तरीय प्रतियोगिता आयोजना गरिएको उनको दाबी छ । प्रतियोगिताको फाईनल खेल शनिबार हुने छ । प्रतियोगिताको उपाधि जित्ने टीमले नगद एक लाख, मेडल, ट्रफी र प्रमाण–पत्र पुरस्कृत गरिने छ । यसैगरि उपविजेता टीमलाई नगद ६५ हजार, मेडल, ट्रफी र प्रमाण–पत्र पुरस्कार पाउने आयोजक प्रदेश खेलकुद परिषदका सदस्य कैलाश रोका मगरले बताए । यसैगरी, तृतीय पुरस्कार नगद पैतिस हजार, मेडल, ट्रफी र प्रमाण–पत्र र सान्त्वना हुने टीमले नगद पन्ध्र हजार प्रमाण–पत्र प्राप्त गर्ने उनले बताए ।

प्रतियोगितामा सर्वोत्कृष्ट खेलाडीलाई नगद दश हजार, मेडल, ट्रफी र प्रमाण–पत्र प्रदान गरिनुका साथै ६ विधामा उत्कृष्ट हुने खेलाडीलाई पनि जनही पाँच हजार, मेडल, ट्रफी र प्रमाण–पत्र प्रदान गरिने आयोजकले जनाएको छ ।