खोज

काठमाडौं, २१ चैत ।

विश्व फुटबलको इतिहासमा महान् खेलाडीको रूपमा चिनिएका रायन गिग्सको व्यक्तिगत जीवन भने सधैं विवादमा परिरहयो । म्यानचेस्टर युनाइटेडका लागि उत्कृष्ट प्रदर्शन गर्ने गिग्सको जीवनमा प्रेम र सम्बन्धको सन्दर्भमा धेरै उतारचढावहरू भएका थिए। तर सबैभन्दा ठूलो विवाद तब भयो, जब उनको आफ्नै भाइ रोड्रीकी श्रीमती नताशासँग अफेयर रहेको खुलासा भयो ।रायन गिग्सले आफ्नो बाल्यकालको साथी स्टेसी कुकसँग सन् २००७ मा म्यानचेस्टरको लोरी होटलमा एउटा सानो समारोहमा विवाह गरेका थिए । दम्पतीका दुई बच्चाहरू छन, जसमध्ये कान्छो, ज्याक, अहिले १७ वर्षको भएको छ र एक आशाजनक फुटबलर बन्ने बाटोमा लागिसकेको छ। गिग्स र स्टेसी म्यानचेस्टरको वर्स्लेमा ३० मिलियन पाउण्डको आलिशान घरमा सुखी परिवारको रूपमा बस्न थालेका। तर, यो खुशी धेरै दिन भने टिक्न सकेन् ।

सन २०११ मा, त्यहाँ एक खुलासा भयो, जसले सबैलाई चकित पारेको थियो। गिग्सको भाइ रोड्रीकी श्रीमती नताशासँग ८ वर्षदेखि अफेयर रहेको खुलासा भएको थियो । रोड्रिसँग दुई सन्तान भएका नताशाले गिग्ससँगको सम्बन्ध सार्वजनिक नभएसम्म जारी राखिन्। अचम्मको कुरा यो थियो कि नताशाले गिग्सको बच्चालाई गर्भपतनसमेत गराएकी थिइन् र यो घटना उनको र रोड्रीको विवाह हुनुभन्दा २ हप्ता अघि भएको थियो।

गिग्स र नताशा मार्च २००३ मा म्यानचेस्टर नाइट क्लबमा भेटेका थिए । त्यो रात नताशाले गिग्ससँग समय बिताइन्, जबकि गिग्सकी श्रीमती स्टेसी गर्भवती र घरमै थिइन्। यद्यपि नताशाले २ महिनापछि रोड्रीसँग डेट गर्न थाले पनि एक वर्षपछि उनले गिग्ससँग आफ्नो सम्बन्ध पुनः सुरु गरिन्। यो खुलासा पछि गिग्सको व्यक्तिगत जीवन मिडिया र प्रशंसकहरूको रडारमा आयो। उनको छवि एक आदर्श परिवारको मानिसबाट धोखाधडी पति र भाइको श्रीमतीलाइ कुदृष्टीले हेर्ने दाजुमा परिवर्तन भयो। यस घटनाले गिग्सको परिवारलाई मात्र तोडेको थिएन, उनको करियरमा पनि गहिरो प्रभाव पर्न गएको थियो। रायन गिग्सले आफ्नो करियरमा म्यानचेस्टर युनाइटेडका लागि ९६३ खेल खेलेका थिए भने  धेरै ट्रफीहरू जितेका थिए। उनलाई फुटबल जगतमा लिजेण्डको रुपमा चिनिन्छ । तर उनको व्यक्तिगत जीवनमा विवादले उनको विरासतलाई भयकंर कलंकित नै बनाइदियो ।