खोज

बुटवल, १९ चैत ।
सेवानिवृत्त राष्ट्रसेवक संघ, नेपाल (पेशागत महासंघ नेपाल संघ आवद्ध) लुम्बिनी प्रदेशको प्रथम अधिवेसन २०८१ बाट डासुराम पाण्डे (रुपन्देही) को अध्यक्षतामा १७ सदस्यीय नया नेतृत्व चयन भएको छ । आईतबार रुपन्देहीमा भएको अधिवेसनबाट उपाध्यक्ष रेनुका खरेल (रुपन्देही), उपाध्यक्ष गंगाराम रेग्मी, महासचिव केशवराज आचार्य, सचिव बिन्दु कुमारी पाण्डे, ईन्द्र बहादुर बिसी (गुल्मी), सचिव केशव गौतम, कोषाध्यक्ष माधव ज्ञवाली (रुपन्देही) तथा सदस्यमा प्रेम बहादुर केसी, पारसमणी भण्डारी, ठगिश्वर पोख्रेल, दुर्गा देबि बोहरा, पदम बहादुर कार्की, कुल बहादुर डाँगी, कृष्ण खनाल सर्वसम्मत चयन भएका छन ।

एक समारोहका बिच सेवानिवृत्त राष्ट्रसेवक संघ, नेपालका केन्द्रिय अध्यक्ष प्रयागराज शर्माले उद्घाटन गर्दै सरकारी सेवा वा सरकारी स्वामित्व भएका निकायहरूमा कार्यरत रही सेवानिवृत्त भएका राष्ट्रसेवकहरूको ज्ञान, सीप, र अनुभवलाई राष्ट्रहितमा उपयोग गर्ने उद्देश्यले स्थापित संस्था भएको बताए । संघमा निजामती, जङ्गी, प्रहरी, स्थानीय निकाय, सरकारी स्वामित्व भएका सार्वजनिक विद्यालय तथा विश्वविद्यालय, बैंक, संस्थान, स्वास्थ्य, न्याय जस्ता क्षेत्रहरूबाट सेवानिवृत्त भई सरकारी कोषबाट पेन्सन सुविधा लिइरहेका कर्मचारी, शिक्षक वा कामदारहरु राष्ट्रहित सधै अग्रसर रहेको उनले दाबी गरे ।

कार्यक्रममा नेकपा एमाले लुम्बिनी प्रदेश कमिटि सचिव लक्ष्मण आचार्य, पेशागत महासंघ नेपाल केन्द्रिय समितिका सचिव छबिलाल पाण्डे, केन्द्रिय उपाध्यक्ष तथा लुम्बिनी प्रदेश ईन्चार्ज कृष्ण भुषाल दिप, नेकपा एमाले जिल्ला अध्यक्ष यज्ञ गैरे, नेकपा एमाले लुम्बिनी प्रदेश कमिटि सदस्य कल्पना थापाले शुभकामना दिए ।