© २०२३
३ पुष २०८२, बिहीबार
३ पुष २०८२, बिहीबार
काठमाडौँ ।
राष्ट्रियसभाले आज पाँच वटा प्रतिस्थापन विधेयक बहुमतको समर्थनसहित पारित गरेको छ। बैठकको सभापति नारायणप्रसाद दाहालले विधेयकहरु पारित भएको जानकारी दिएका छन्।
पारित विधेयकहरुमा ‘सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक २०८१’, ‘सहकारीसम्बन्धी केही नेपाल ऐनलाई संशोधन गर्ने विधेयक २०८१’, ‘आर्थिक कार्यविधि तथा वित्तीय उत्तरदायित्व (पहिलो संशोधन) विधेयक २०८१’, ‘निजीकरण (पहिलो संशोधन) विधेयक २०८१’ र ‘आर्थिक तथा व्यावसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक २०८१’ रहेका छन्।
यस विधेयकको पारित प्रक्रिया दफावार छलफल र संशोधन पछि सम्पन्न भएको हो र अब यी विधेयक सन्देशसहित प्रतिनिधिसभामा पठाइने छन्। राष्ट्रियसभाको अर्को बैठक चैत २५ गते सोमबार दिउँसो १ बजेर १५ मिनेटमा बस्ने छ।
संविधानअनुसार, कुनै अध्यादेश जारी भएपछिको ६० दिन भित्र प्रतिस्थापन विधेयक पारित गर्नुपर्ने व्यवस्था छ।
© २०२३
सर्वाधिकार सुरक्षित
Design & Developed By:
