खोज

रूपन्देही, १६ चैत ।

पूर्व राष्ट्रपति विद्यादेवी भण्डारी रूपन्देही जिल्लामा ३ दिनका विभिन्न कार्यक्रम पूरा गरी रूपन्देहीबाट काठमाडौं जानुभएको छ । रूपन्देहीबाट पूर्व राष्ट्रपति भण्डारीसंगै पूर्व कृषि तथा भूमि सुधार मन्त्री एव्म नेकपा एमालेका सचिव पदमा अर्याल, प्रतिनिधि सभा सदस्य बासुदेब घिमिरे, पूर्व मन्त्री कृष्ण गोपाल श्रेष्ठ समेत काठमाडौ प्रस्थान गर्नुभएको छ ।

पहिलो दिन चैत १४ गते बिहीबार १०ः३० भैरहवा बिमानस्थलबाट भैरहवा आउनुभएको थियो । राजनीतिक व्यक्तिसंग, सर्वसाधारणसंग विभिन्न भेटघाट गर्नुभएको थियो । त्यसैगरी कामाख्या मन्दिरको दर्शन एव्म लुम्बिनी केबलकारको अवलोकन समेत गर्नुभएको थियो ।

दोस्रो दिन चैत १५ गते शुक्रबार लुम्बिनीमा बिहारको शिलान्यास त्रिवेणि धामको दर्शन गर्नुभएको थियो । तेस्रो दिन चैत १६ गते शनिबार लुम्बिनी प्रदेशभरका महिला जनप्रतिनिधिहरूको अन्तरसंबादमा उपस्थिति जनाउनुभएको सिद्धार्थनगर नगरपालिकाका उप प्रमुख उमा अधिकारीले बताउनुभयो ।

पूर्व राष्ट्रपति विद्यादेवी भण्डारीलाई बिदाइ गर्न नेकपा एमालेका पोलिटब्यूरो सदस्य खिमलाल भट्टराई, बुटवल उप महानगरपालिकाका नगर उप प्रमुख साबित्रा देवी अर्याल, जिल्ला प्रशासन कार्यालय रूपन्देहीका प्रमुख जिल्ला अधिकारी बासुदेव घिमिरे, जिल्ला प्रहरी कार्यालय रुपन्देहीका प्रमुख (एसपी) रन्जितसिंह राठोर, सशस्त्र प्रहरी बल २७ नम्बर गणका प्रमुख एसपी मेखराज जोशी, राष्ट्रिय अनुसन्धानका उप—निर्देशक(एसपी) हरिस बिष्ट, नेकपा एमालेका लुम्बिनी प्रदेश सदस्यहरू गोपाल राना, ज्ञानु केसी, कल्पना थापा, नेकपा एमाले रूपन्देही जिल्ला उपाध्यक्ष हितराज पन्थी, सिद्धार्थनगर नगरपालिका उप प्रमुख उमा अधिकारी, नेकपा एमालेका जिल्ला सदस्य प्रदिप आचार्य, नेकपा एमाले सिद्धार्थनगरका अध्यक्ष चक्र बहादुर थापा, उप सचिव सरोज ठकुरी लगायत गौतमबुद्ध बिमानस्थल पुग्नुभएको थियो ।