खोज

दाङ,१५ चैत। स्थानीय तहमा भएका महिला जनप्रतिनिधिहरुले क्षमता बिकास गरि अब्बल बन्नुपर्ने कार्यक्रमका सहभागीले बताएका छन् । त्रिभुवन नगर जेसिस दाङको आयोजनामा स्थानीय तहमा महिला सहभागिता: कानुनी व्यवस्था, व्यवहारिक चुनौती विषयक अन्तरक्रिया कार्यक्रमका सहभागीले स्थानीय तहमा महिला सहभागिता भएर पनि उपलब्धि मुलुक कामको लिपीबद्द हुन नसकेको बताएका छन् ।

लुम्बिनी प्रदेश सदस्य लोका बिकले जनप्रतिनिधिले आफ्नो क्षमता बिकास गरेर हरेक स्थानमा नेतृत्व गर्नुपर्ने बताइन् । महिलाका मुद्दामा पार्टीको पछि नलागेर एकताबद्द हुनुपर्ने बताइन् । महिला हरेक ठाउँमा पहिला भन्ने कुरालाई सार्थक बनाउन आग्रह गरिन । उनले महिलाहरुको कामको मुल्यांकन हुनुपर्ने र प्रोत्साहन गर्नुपर्ने बताइन् । सबैले मिलेर काम गर्न र महिला अधिकारका लागि विशेष पहल गर्न आह्वान गरेकि छन् । जिल्ला समन्वय समितिका उप–संयोजक चेतना चौधरीले महिला मैत्री कार्यक्रमका आयोजनाले महिलामा सकारात्मक प्रभाव पार्ने र सचेतना बढ्ने बताइन् ।

कार्यक्रममा घोराही उप–महानगरपालिकाका नगर उपप्रमुख हुमाकुमारी डिसी, लमही नगरपालिकाका उपप्रमुख लक्ष्मी योगी, बंगलाचुली गाउँपालिकाका उपाध्यक्ष भक्तबहादुर जि.सी., शान्तिनगर गाउँपालिकाका उपाध्यक्ष प्रेमाकुमारी बुढाथोकीले उपमेयर र उपाध्यक्षले नागरिकका काममा सचेत भए बताएका थिए । त्रिभुवननगर जेसीजका अध्यक्ष जेसी टंक रावत (अनन्त) लगायतले धारणा राखेका थिए ।

कार्यक्रममा अधिकारकर्मी शुष्मा लामिछानेले स्थानीय तहमा महिला सहभागिता: कानुनी व्यवस्था, व्यवहारिक चुनौती विषयक कार्यपत्र प्रस्तुत गरेकी थिइन । कार्यपत्र माथि महिला अधिकारकर्मी विमला योगी, पत्रकार रञ्जिता अधिकारी, अधिवक्ता विनु श्रेष्ठले टिप्पणी गरेका थिए । त्रिभुवननगर जेसीजका सचिव विवेक देवकोटाले आस्थापाठ बाट सुरु भएको थियो ।

कार्यक्रममा महासचिव जेसी कृष्णदेव थापा , कार्यक्रम संयोजन श्यामकुमार गिरी लगायतले धारणा राखेका थिए ।