खोज

बुटवल, १६ चैत ।
रूपन्देही जारी २३ औं तिलोत्तमा गोल्डकप प्रतियोगिताको उपाधिका लागि शनिबार ‘ए’ डिभिजन विजेता चर्च ब्याईज युनाईटेड र विभागिय टिम शसस्त्र प्रहरीको एपीएफ क्लबका बिचमा खेल हुँदैछ ।चर्च ब्वाइज र एपीएफबीच यो सिजनमा दोस्रो भेट हो । यसअघि सातौं संस्करणको बागमती गोल्डकप फुटबल प्रतियोगितामा एपीएफलाई सेमीफाईनलमा चर्च ब्याईजले पराजित गरेको थियो । जारी प्रतियोगितामा एपीएफले पहिलो खेलमा आयोजक रूपन्देही ११ लाई १–० तथा सेमीफाईनलमा संकटा एफसीलाई १–० गोल अन्तरले पराजित गर्दै फाईनल पुगेको हो । यता चर्च ब्याईज भने पहिलो खेलमा नेपाल पुलिस क्लबलाई ट्राईबेकरमा तथा सेमीफाईनलमा मच्छिन्द्र एफसीलाई ४–१ गोल अन्तरले पराजित गर्दै फाईनल भिडन्त पक्का गरेको हो । जारी प्रतियोगितामा संकटाका सृजनराज गौतमले ब्यक्तिगत ४ गोल गरेका छन् भने चर्च ब्याईजका अरमान बिउडोन सेमीफाईनलमा आफ्नो ह्याट्रिक पुरा गरेका छन । अरमान सर्वाधिक गोलकर्ताको दाबीदारीमा एक गोलले पछि छन् । फाईनलमा उनको खेल टिमको जितका लागि निक्कै महत्वपूर्ण रहने छ ।

यसैबीच देविनगरस्थित एन्फा टेक्निकल खेलमैदानमा शुक्रबार गरिएको प्रि म्याच कन्फ्रेन्स गरिएको छ । पहिलो चोटी जिम्मेवारी वहन गरेका एपीएफका कोच टोप बहादुर बिष्टले उपाधि जितेर ईतिहास रच्ने दाउमा छन । सकारात्मक सोच र युवा खेलाडी जितको आधार भएको उनले बताए । ‘सबै खेलाडी स्ट्रोङ मेन्टालिटी र स्ट्रेस फ्रि छौं,’–उनले भने । एक जना रातो कार्ड पाउँदै टिमबाहिर भएपनि बिकल्पमा युवा खेलाडी भएको हुँदा खेलमा अझ प्रभावकारी हुने उनले बताए । ‘टिम वर्क कै जितको आधार हो,’–उनले भने । टिममा सेट प्लेयर हुदा एउटै समझदारी हुँदा पनि खेलमा एकरूपता आउने उनले बताए ।

लामोसमयदेखी एउटै टिम रहेको हुदा जितको आधार भएको एपीएफ क्याटेन हरि कार्कीले बताए । मोफसलमा एकमात्र चर्चित र बलियो टिमका रूपमा चर्च ब्याईज भएको हुँदा पनि साख जोगाउने कोच आसिक थापामगरले दाबी गरे । ‘हामी जितेर छौं’–उनले भने । नेपाली टिममा विदेशी खेलाडीहरू सहभागी हुदा खेल अझ राम्रो बन्ने उनले बताए । एपीएफ सेट टिम भएपनि आफूहरू कमजोर नरहेको उनले बताए ।चर्च ब्याईजका क्याप्टेन फाकुने एबायोमी प्रतिपक्ष बलियो र सेट टिम हुदा पनि आफुहरूलाई जित निकाल्न सहज नहुने बताए । ‘फाईनल खेलमा धेरै च्यालेन्ज हुनेछ,’–उनले भने । आफूहरू खेलमा सुधार ल्याउने उनले बताए ।

बुटवल उपमहानगरपालिकाको संरक्षक तथा यशोदा फुड्स प्रालि र त्रिमुर्ति ईण्डस्ट्रिज प्रालिको मुख्य प्रायोजक, प्रदेश खेलकुद परिषद लुम्बिनी मुख्य सहयोगमा हुने प्रतियोगिताको उपाधि विजेता टिमले नगद १२ लाख १२ हजार २ सय २२ रूपैयाँ, गोल्डकप, प्रमाणपत्रबाट पुरस्कृत गरिने छ । उपविजेता टिमले ६ लाख, ६६ हजार, ६ सय, ६६ रूपैया तथा विधागत उत्कृष्ट खेलाडीहरूलाई गोलरक्षक, डिफेन्डर, मिड फिल्डर, फरवार्ड, कोचलाई नगद ३१ हजार र कप तथा सर्वोत्कृष्ट खेलाडीलाई स्कुटर वा मोटरसाईकल उपहार तथा प्रत्येक दिनको म्यान अफ दी म्याचलाई नगद ११ हजार १ सय ११ रूपैयाबाट पुरस्कृत गरिने छ । यो वर्ष आयोजक करेन्ट रूपन्देही–११ सहित संकटा एफसी, मच्छिन्द्र एफसी, चर्च ब्याईज युनाईटेड, नेपाल पुलिस क्लब, नेपाल सशस्त्र प्रहरी बलको एपिएफ क्लब तथा दुई विदेशी टिमहरू एडोर्न गडवाल स्पोर्टिङ क्लब, जर्जियन एफसी गरि आठ टिमको प्रतिस्प्रर्धा गरेका थिए ।