खोज

बुटवल, १५ चैत । रुपन्देही जारी २३ औ तिलोत्तमा गोल्डकप प्रतियोगिताको उपाधि चर्च ब्याईज युनाईटेड र विभागिय टिम शसस्त्र प्रहरीको एपीएफ क्लब दुबैले जित्ने दाबी गरेका छन । देविनगरस्थित एन्फा टेक्निकल खेलमैदानमा शुक्रबार गरिएको प्रि म्याच कन्फ्रेन्समा दुबै टिमका प्रशिक्षकहरुले उपाधि जित्ने दाबी गरेका हुन ।

‘ए’ डिभिजन विजेता चर्च ब्याईज युनाईटेड र विभागिय टिम शसस्त्र प्रहरीको एपीएफ क्लबका बिचमा यो सिजनमा दोस्रो भेट हो । यसअघि सातौं संस्करणको बागमती गोल्डकप फुटबल प्रतियोगितामा एपीएफलाई सेमीफाईनलमा चर्च ब्याईजले पराजित गरेको थियो । जारी प्रतियोगितामा एपीएफले पहिलो खेलमा आयोजक रुपन्देही ११ लाई १–० तथा सेमीफाईनलमा संकटा एफसीलाई १–० गोल अन्तरले पराजित गर्दै फाईनल पुगेको हो । यता चर्च ब्याईज भने पहिलो खेलमा नेपाल पुलिस क्लबलाई ट्राईबेकरमा तथा सेमीफाईनलमा मच्छिन्द्र एफसीलाई ४–१ गोल अन्तरले पराजित गर्दै फाईनल भिडन्त पक्का गरेको हो ।

एपीएफका प्रशिक्षक टोप बहादुर बिष्टले टिममा सकारात्मक सोच र युवा खेलाडी जितको आधार भएको बताए । ‘सबै खेलाडी स्ट्रोङ मेन्टालिटी र स्ट्रेस फ्रि छौ ।’–उनले भने । लामोसमयदेखी एउटै टिम रहेको हुदा जितको आधार भएको एपीएफ क्याटेन हरि कार्कीले बताए ।
मोफसलमा एकमात्र चर्चित र बलियो टिमका रुपमा चर्च ब्याईज भएको हुदा पनि साख जोगाउने कोच आसिक थापामगरले दाबी गरे । ‘हामी जितेर छौ ।’–उनले भने ।

चर्च ब्याईजका क्याप्टेन फाकुने एबायोमी प्रतिपक्ष बलियो र सेट टिम हुदा पनि आफुहरुलाई जित निकाल्न सहज नहुने बताए । ‘फाईनल खेलमा धेरै च्यालेन्ज हुनेछ ।’–उनले भने ।

बुटवल उपमहानगरपालिकाको संरक्षक तथा यशोदा फुड्स प्रालि र त्रिमुर्ति ईण्डस्ट्रिज प्रालिको मुख्य प्रायोजक, प्रदेश खेलकुद परिषद लुम्बिनी मुख्य सहयोगमा हुने प्रतियोगिताको उपाधि विजेता टिमले नगद १२ लाख १२ हजार २ सय २२ रुपैया, गोल्डकप, प्रमाणपत्रबाट पुरस्कृत गरिने छ । उपविजेता टिमले ६ लाख, ६६ हजार, ६ सय, ६६ रुपैया तथा विधागत उत्कृष्ट खेलाडीहरुलाई गोलरक्षक, डिफेन्डर, मिड फिल्डर, फरवार्ड, कोचलाई नगद ३१ हजार र कप तथा सर्वोत्कृष्ट खेलाडीलाई स्कुटर वा मोटरसाईकल उपहार तथा प्रत्येक दिनको म्यान अफ दी म्याचलाई नगद ११ हजार १ सय ११ रुपैयाबाट पुरस्कृत गरिने छ । यो वर्ष आयोजक करेन्ट रुपन्देही–११ सहित संकटा एफसी, मच्छिन्द्र एफसी, चर्च ब्याईज युनाईटेड, नेपाल पुलिस क्लब, नेपाल सशस्त्र प्रहरी बलको एपिएफ क्लब तथा दुई विदेशी टिमहरु एडोर्न गडवाल स्पोर्टिङ क्लब, जर्जियन एफसी गरि आठ टिमको प्रतिस्प्रर्धा गरेका थिए ।