खोज

बर्दिया, १३ चैत ।

बर्दियामा व्यवसायिक मकै खेती फस्टाउँदै गएको छ । किसानहरू व्यवसायिक मकै खेतीतर्फ आकर्षित हँदै गएका छन् । लागतको तुलनामा राम्रो मकै उत्पादन हुने भएकाले किसानहरू मकै खेती तर्फ आकर्षण बढ्दै गएको एकिकृत कृषि तथा पशुपंक्षी बिकास कार्यालयले जनाएको छ ।

बर्दियामा आर्थिक बर्ष २०८१–८२ मा किसानहरूले ४ हजार हेक्टर जमिनमा किसानरुले मकै खेती गरेका छन् । बर्दियाको आठ पालिका मध्ये चार पालिकाका मुख्यगरि मकै खेती तर्फ लागेको देखिन्छ । गुलरियन नगरपालिका, मधुवन नगरपालिका, बारबर्दिया नगरपालिका र बढैयाताल गाउँपालिकाका किसानहरू बढि अकार्षित भएका छन् । ३५ हजार ३ सय २८ मेट्रिक टन उत्पादन गरेका थिए भने अहिले अर्थिक बर्ष २०७९–८० मा ८ हजार ५ सय ५० हेक्टर क्षेत्रफलमा व्यवसायिक मकै खेती हुँदै आएको छ । बार्षिक ३६ हजार मेट्रिकटन मकै उत्पादन हुने गरेको छ । अन्य बालीको तुलनामा मकै खेती गर्न सहज र उत्पादन पनि बढी हुने तथा सजिलै लाभ लिन सकिने भएकाले मकै खेतीप्रति आकर्षण बढ्दै गएको किसान मधुबन नगरपालिकाका किसान दिलमाया गुरुङ्गले बताईन ।

जिल्लाको ८ वटै पालिकामा व्यवसायिक रूपमा मकै खेती हुँदै आएको छ । जसमध्ये गुलारिया, मघुबन, बारबर्दियालाई मकैको पकेट क्षेत्रको रूपमा पनि चिनिन्छ । यो क्षेत्रमा व्यवसायिक रूपमा मकै खेती गर्ने किसानहरूको संख्या बढ्दै गएको छ ।मकै खेती गरि किसानहरू सन्तुष्ट रहेको बताउँछन् । व्यवसायिक मकै खेती सञ्जालका अध्यक्ष नवराज सुबेदीले बताए ।

मकै बर्खो, हिउँदे र बसन्ते गरी ३ सिजनमा खेती हुँदै आएको छ । जसमध्ये बसन्ते मकै सबै भन्दा बढी उत्पादन हुने गरेको छ । जिल्लामा सिचाईको क्षेत्र बिस्तार हुँदै गएपछि खाली हुने जग्गामा व्यवसायिकरूपमा मकै खेतीको क्षेत्रफल बढ्दै गएको बताए एकिकृत कृषि तथा पशुपंक्षी बिकास कार्यालय बर्दियाका प्रमुख सागर ढकालले बताए । बर्दियामा मकै खेती ठूलो सम्भावना छ । सिचाईको सुबिधा बिस्तार हँुदै गएपछि मकैको क्षेत्रफल पनि बिस्तार हुदै गएको छ । जिल्लाभरी सिचाईको सुबिधा बिस्तार गरी मकै खेतीलाई प्रबद्र्धन गर्नु किसानहरूको माग छ ।