खोज

बुटवल, १२ चैत ।

लायन्स क्लब बुटवल सयपत्रीले मिति २०८१ चैत ७ देखि ९ गतेसम्म तीनदिने बाटेको धुप बनाउने तालिम सफलतापूर्वक सम्पन्न गरेको छ। बुटवल-९ स्थित तितेपाती महिला बचत तथा ऋण सहकारी संस्थाको सहकार्यमा ओम शिवशक्ति कल्याणी मन्दिरको हलमा आयोजित उक्त तालिम क्लबकी अध्यक्ष कमला बस्नेत कुंवरको अध्यक्षतामा सम्पन्न भयो।

कार्यक्रमका प्रमुख अतिथि डिष्ट्रिक ३२५ पीका डिष्ट्रिक ट्रेजरर  प्रकाश श्रेष्ठ थिए भने क्लबका एक्टेन्सन चियरपर्सन तथा डिष्ट्रिक को-चिफ द्वारिका प्रसाद श्रेष्ठ विशिष्ट अतिथि रहेका थिए। तालिम संयोजक तथा प्रमुख प्रशिक्षक क्लबका पूर्व अध्यक्ष एवं सिनियर डिष्ट्रिक एडभाइजर सविना श्रेष्ठ थिइन् भने क्लबकी पिआरओ रीना भारी सह-प्रशिक्षकको भूमिका निर्वाह गरेकी थिइन्।

महिला दिदीबहिनीहरूलाई उद्यमशील बनाउने उद्देश्यले आयोजित उक्त तालिममा ५० भन्दा बढी महिलाहरूको सहभागिता रहेको थियो। क्लबकी अध्यक्ष कमला बस्नेत कुंवरका अनुसार लायन्स क्लबको वर्ष २०२४/२५ का गर्भनरको उद्यमशीलता सम्बन्धी वार्षिक कार्ययोजना अनुरूप उक्त तालिम सञ्चालन गरिएको हो। तालिमको प्रमुख उद्देश्य महिलाहरूलाई आर्थिक रूपमा सशक्त बनाउनु रहेको उनले बताइन्।

कार्यक्रमका प्रमुख अतिथि डिष्ट्रिक ट्रेजरर प्रकाश श्रेष्ठले सम्बोधन गर्दै तालिम लायन्स क्लब सयपत्रीको लागि निकै महत्वपूर्ण भएको बताए। उनका अनुसार क्लबले वर्ष २०२४/२५ भित्र ३०० भन्दा बढी महिलालाई यो सिपमूलक तालिम प्रदान गरिसकेको छ, जसले उनीहरूलाई आत्मनिर्भर बन्ने अवसर दिएको छ। साथै, यस्ता तालिमहरूलाई निरन्तरता दिन आवश्यक रहेको समेत उनले उल्लेख गरे।

समापन कार्यक्रममा डिष्ट्रिक को-चिफ द्वारिका प्रसाद श्रेष्ठ, सिनियर डिष्ट्रिक एडभाइजर सागरराज श्रेष्ठ, गाइडलाइन ज्ञानेन्द्र सिमानगैडा, सविना श्रेष्ठ, फूलबारीका अध्यक्ष महेन्द्र भारी, प्रगति टोल विकास संस्थाका अध्यक्ष तारा विष्ट, एरिया चिफ दीपक श्रेष्ठ, जोन चियरपर्सन महेश श्रेष्ठ, लाड्ली श्रेष्ठ, प्रिया गुरुङ, रीना भारी, खिमकला रेग्मी, तुलसी क्षेत्री लगायतको उपस्थिति रहेको थियो।कार्यक्रम क्लबकी सचिव शान्ति नेपालको सञ्चालनमा भएको थियो।