खोज

बुटवल, ११ चैत । पछिल्लो समय देशका मुख्य राजनैतिक दलका कार्यकर्ताहरुमा छाएको नैराश्यता हटाउन र अरु पार्टीका गतिबिधीहरुमा संलग्न हुनबाट रोक्न पार्टीले बिभिन्न कार्यक्रमहरु संचालन गर्न थालेका छन् । खासगरि बिभिन्न नामका स्वतन्त्र समुह र राजाबादीहरुका गतिबिधीहरु बढ्न थालेपछि मुख्य राजनैतिक दलहरु नेपाली काँग्रेस, एमाले, माओबादी, समाजबादी लगाएतका पार्टीहरुले पनि गतिबिधी बढाउन थालेका हुन् ।
संघिय लोकतान्त्रिक गणतन्त्रको पक्षमा जनसमर्थन जुटाउने उद्देश्यसहित नेकपा एमालेले केन्द्रदेखि स्थानिय स्तरसम्म गणतन्त्रको रक्षाका लागि जनजागरण अभियान नामक कार्यक्रम संचालन गरेको छ । बुटवल उपमहानगरका बिभिन्न वडामा पनि नेकपा एमालेका नेता तथा कार्यकर्ताहरु टोलटोलमा पुगेर गणतन्त्रको रक्षाका लागि जनजागरण अभियान संचालन गरिरहेका छन् ।

नेकपा एमाले बुटवल वडा नम्बर ४ र ५ मा संयुक्त रुपमा जनजागरण अभियानमा सहभागि हुदै नेताहरुले बिभिन्न कारण राजाबादीहरु सलबलाएको भन्दै गणतन्त्रवादीहरु एकजुट हुनुपर्ने धारणा राखेका थिए । सो अबशरमा पार्टीका नगर समितिका अध्यक्ष शोभाखर पोख्रेल, प्रदेश कमिटि सदस्यहरु जमिल मिया, टंक पराजुली, जिफन्टका हरि बहादुर कार्की, जिल्ला उपसचिव बाबुराम पन्थी, पार्टी नेता खेम लुइटेल, नेदिराम ज्ञवाली, जिल्ला कमिटि सचिवालय सदस्य दुर्गा कार्की लगाएतले बोल्दै नेतृत्वको कमि कमजोरी हटाउदै गणतन्त्रको रक्षाका लागि सबै वाम एक ठाँउमा उभिने र जनचेतना फैलाउने काम गर्नुपर्ने कुरामा जोड दिएका थिए ।

नेकपा एमालेले गरेको सर्कुलर अनुशार सोमबार रुपन्देहीको १ सय ५५ वटा वडामा एकैसाथ यो अभियान संचालन गरिएको बुटवल वडा ४ इन्चार्ज तथा जिल्ला कमिटि सचिवालय सदस्य नारायण घिमिरेको भनाई छ । बाम एकतालाई बलियो गर्ने उदेश्यले यहि चैत्र १८ गते बृहत मोटरसाइकल ¥याली गर्ने जस्मा १ हजार १० मोटरसाइकल सहभागी बनाउने र सुनौली सम्म पुग्ने घिमिरेले बताए । चैत्र २९ गते जिल्ला जनसभा गर्ने लक्ष रहेको घिमिरेको भनाई छ ।