खोज

लमही, ११ चैत । मुक्त कम्लरी बिकास मन्च दाङको आयोजनामा देउखुरीको गढवामा आमा समूहका पदाधिकारीलाइ वालविवाहको असर र कनूनी प्रावधान बारे अभिमुखिकरण गरिएको छ । वडा नम्बर ५ र ६ का दुई वटा आमा समूहका २८ र ३० जना गरि ५८ जना महिलाहरूलाई बाल विवाहले पार्ने आर्थिक, सामाजिक, सास्कृतिक र ब्यक्तिगत असर तथा प्रभावका बारेमा प्रशिक्षण दिइएको मुक्त कम्लहरी बिकास मन्च दाङका कार्यक्रम संयोजक ज्ञानु थापाले जानकारी दिइन ।

पछिल्लो समयमा बालबिबाह बढदै गरेको छ।अन्य भन्दा पनि थारु समुदायमा समस्या का रुपमा बालबिबाह परे पछि मुक्त कम्लहरी पछिल्लो समयमा बालबिबाहका विरुद्ध खुलेर लागेका छन ।

यसैगरी उक्त संस्थाको आयोजनामा गढवको ५ र ६ वडाका आमा समुहहरुलाइ सुरक्षित गर्भपतन तथा परिवार नियोजन सम्बन्धी १ दिने अभिमूखिकरण तथा कार्यशाला सम्पन्न गरिएको मुक्त कम्लरी बिकास मन्च का संस्थापक अध्यक्ष रमिता चौधरिले जानकारि दिइन । तलिमको प्रशिक्षण मानव कल्याण तथावातावरण संरक्षण केन्द्र दाङका अध्यक्ष कमल गौतम र सिपि नेपालक सीता कुमाल चौधरीले दिएका थिए ।

यस संस्थाले देउखुरीको गढवा र राप्ती गाउपालिकाका केही वडाहरुमा बाल विवाह न्यूनिकरण, लैङिक हिंसा र परिवार नियोहन सम्बन्धी धेरै कार्यक्रमहरु सन्चालन गर्दै आएको कार्यक्रम संयोजक थापाले बताइन ।