खोज

बुटवल, ९ चैत । बुटवल उपमहानगरपालिका वडा नं. २ मा स्थित फुलबारी खानेपानी तथा सरसफाई उपभोक्ता समितिको दोस्रो साधारण सभा तथा प्रथम अधिवेसन शनिबार सम्पन्न भएको छ । कार्यक्रमको एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले उद्घाटन गर्दै नगरभित्र शुद्ध पिउने पानी र सार्वजनिक शौचालय आजको आवश्यकता भएको बताए । स्थानिय सरकार कानुन बनाएर नै शुद्ध पिउनेपानीको ब्यवस्थापनमा अघि बढेको भन्दै उनले यसका साथै विभिन्न सामाजिक संस्थाबाट समेत सहकार्यमा कामहरु भईरहेको बताए । हरेक ब्यवसायिक संस्थाहरुबाट समेत सामाजिक उत्तरदायित्वलाई पारदर्शी हुने गरि नगरको अभियानमा सघाउन उनले आग्रह गरे ।

कार्यक्रममा वडा नं. २ का वडा अध्यक्ष सुनिल शाक्यले पिउनेपानीको विगतको समस्यालाई हटाउने गरि समितिको पहल उत्कृष्ट रहेको भन्दै यसमा वडा कार्यालयबाट सधै साथ र सहयोग गर्दै आएको बताए । संस्थालाई बलियो र चलायमान बनाउने गरि नया नेतृत्व चयन गर्न उनले आग्रह गरे ।

कार्यक्रममा समितिको वार्षिक प्रगति प्रतिवेदन पेश गर्दै अध्यक्ष सन्तोष श्रेष्ठले उपभोक्ताको मौलिक अधिकारका रुपमा रहेको पिउने पानीलाई सहज रुपमा उपलब्ध गराउने गरि संस्थागत रुपमा आफुहरु लागेको बताए । सरकारबाट सहयोगमा कतिपय खानेपानी आयोजनाहरु अलपत्र परेको बेला आफुहरु संस्थागत रुपमा एकढिक्का भएर आवाज उठाउदा समयमा नै सम्पन्न गर्न सफल भएको भन्दै अब यसलाई हस्तान्तरणको प्रक्रियामा लाग्ने समय आएको बताए ।

कार्यक्रममा संस्थापक अध्यक्ष गंगादेवि घिमिरे, समितिका सल्लाहकार रमेश नेपाल, सल्लाहकार महेश प्रसाद पोख्रेल, पदमलाल शाक्य, सचिव भुमिराम पन्थीले संस्था स्थापना र हालसम्मको अवस्थाबारे प्रकाश पार्दै अबको चुनौती र अवसरका बारेमा बताए ।
हाल समितिमा ७ सय ५ जना सदस्यरु रहेका छन ।