खोज

बुटवल, ८ चैत । देविनगरस्थित एन्फा एकेडेमी परिसरमा सुविधासम्पन्न शौचालय निर्माण गरि हस्तान्तरण गरिएको छ । न्यु होराईजन माबिले २५ लाख लागतमा शौचालय निर्माण गरि शुक्रबार एक कार्यक्रमका बिच बुटवल उपमहानगरपालिकाका नगरप्रमुख खेलराज पाण्डेयले उद्घाटन गरि रुपन्देही जिल्ला फुटबल संघका अध्यक्ष लोक पुनलाई हस्तान्तरण गरेका छन ।

महिला र पुरुष गरि सुविधा सम्पन्न शौचालय तयार भएको विद्यालयका प्राचार्य लोकनाथ उपाध्यायले बताए । खेलाडी उत्पादनमा योगदान दिएको एन्फा परिसरमा आवश्यता महसुस गरि सुविधासम्पन्न शौचालय निर्माण गरेको उनले बताए । विद्यालय ३५ औ वाषिर्कोत्सवको अवसरमा सामाजिक उत्तरदायित्व अन्तरगत सानो समुदायलाई योगदान दिएको उनले बताए । शैक्षिक क्षेत्रमा उत्कृष्ट नतिजासंगै खेलकुदमा युवा खेलाडीहरु उत्पादनमा अग्रसर रहेको उनले दाबी गरे । यस अघि होराईजनबाट सरकारी विद्यालयहरुमा शिक्षक ब्यवस्थापनमा सहयोग गर्दै आएको उनले बताए । यसैगरि डेक्सबेन्च, पुर्वाधारमा समेत सहयोग गर्दै आएको उनले बताए ।

कार्यक्रममा बुटवल उपमहानगरपालिकाका नगरप्रमुख खेलराज पाण्डेयले समुदायमा सरकारी र नीजि संस्थाबाट साामाजिक दायित्व अन्तरगतका विभिन्न योगदान महत्वपूर्ण भएको बताए । शुद्ध पिउने पानी र सार्वजनिक शौचालयको ब्यवस्थापन अहिले यहाको आवश्यकता भएको उनले तर्क दिदै धेरै संस्थाहरु यसमा अग्रसर रहेको बताए । निजि अस्पतालबाट सामाजिक दायित्वमा गरेको योगदान माग गर्ने तयारीमा रहेको उनले बताए । निजि विद्यालयहरुबाट दिने अक्षयकोषको विषयमा समेत माग गरेको उनले बताए । देविनगरको करीब २७ विगाहा क्षेत्रफलमा विपि पार्क, खुला मन्च, वडा कार्यालय, लनटेनिस कोर्ट लगायत रहेको यसैगरि ५ विगाहा क्षेत्रफलमा अस्पताल बनाउने तयारीमा रहेको उनले बताए । एकेडेमीमा रहेका खेलाडीहरुलाई सहजता हुने गरि शौचालय निर्माण गरिएको उनले बताए ।

कार्यक्रममा विद्यालय ब्यवस्थापन समितिका अध्यक्ष ज्ञानेन्द्र कसजुले लगानीको भन्दा पनि ठाउको पहिचान महत्वपूर्ण भएको बताए । सामाजिक उत्तरदायित्वमा काम गर्न नसकिरहेको अवस्थामा ठाउ दिएर एन्फाबाट गुण लगाउने काम भएको उनले बताए । गुणात्मक शिक्षामा जोड दिदा होराईजन सफल भएको भन्दै यो संगै सामाजिक क्षेत्रमा समेत योगदान दिदै आएको उनले बताए । २०४६ सालमा स्थापना भएर बुटवलको शैक्षिक क्षेत्रमा ईट्टा थप्ने काम गरेको बताए ।

कार्यक्रममा विद्यालय ब्यवस्थपन समितिका सल्लाहकार बिमल बहादुर शाक्य, कोषाध्यक्ष निर्मल लाकौल, निर्मल कुमार लाकौल, नेपाल पत्रकार महासंघका कार्यबाहक अध्यक्ष विश्वास ढकाल, उपप्राचार्य बासुदेव अर्यालले सामाजिक क्षेत्रमा सबैको सहकार्य जरुरी रहेको बताए ।