खोज

पाल्पा, ०७ चैत ।

रम्भा गाउँपालिकाको कार्यालयको पहुँच मार्गको स्तरोन्नती तथा कालोपत्रे गर्ने कार्य पुरा भएको छ । स्थानीय सरकारको लगानीमा १ हजार १ सय मिटर लम्बाई रहेको सडकको कालोपत्रे गरिएको छ । सिद्धार्थ राजमार्गको पिपलडाँडा देखि गाउँपालिका सम्मको सडक कालोपत्रे नहुँदा वर्षादमा हिल्यामे र हिउँदमा धुलाम्य भएर यात्रा गर्नुपर्ने बाध्यताको अन्त्य भएको स्थानीयहरू बताउँछन् ।गाउँपालिकाको मुख्य प्राविधिक दिपक कुमार सारुका अनुसार स्थानीय सरकारको मात्र लगानीमा १ करोड २१ लाख रूपैयाँको लागतमा कालोपत्रे नाली निर्माण ग्यामिड्ड सहित ठेक्का प्रणाली बाट स्तरोन्नतीको काम भएको छ । संघीय सरकारले गाउपाँलिकाको केन्द्र जोड्ने पहुँच मार्ग कालोपत्रे गर्ने भनिए पनि कार्यालयको भवन निर्माण प्रकृया अगाडि बढ्न सकेको थिएन । कार्यालय भवन निर्माण प्रकृया अगाडि बढ्यो तर पहुँच मार्गका स्तरोन्नतीका लागि स्थानीय सरकार आफैले लगानी गरेको प्रमुख प्रशासकीय अधिकृत विर बहादुर पुनले बताए ।

संघीय सरकारले पहुँच मार्गका लागि लगानी गर्न भनिए पनि माथागढी, निस्दी गाउँपालिकाको कार्यालय जोड्ने पहुँच मार्ग वर्षादमा हिलाम्य र हिउँदमा धुलाम्य हुने गर्दछ । रैनादेवी गाउँपालिका र रिब्दीकोट गाउँपालिका गाउँपालिका जोड्ने लुम्बिनी प्रदेश सरकारले मुख्य गौरवको योजना रामपुर, सल्यान, कपुरकोट सडक योजना अन्तर्गत पर्ने भएपनि पाल्पा खण्डमा प्रदेश सरकारले ठेक्का तथा टेण्डर प्रणालीलाई नै अगाडि बढाउन नसक्दा यस सडक खण्डमा यात्रा गर्ने यात्रुले सास्ती नै बेहोर्दै आउनु परेको छ ।प्रदेश सरकारले यस सडक खण्ड अन्तर्गत बहुवर्षिय योजना अन्तर्गत रिब्दीकोट सिमाना सम्म २६ करोड रूपैयाँ विनियोजन गरेपनि पाल्पा खण्डमा कामको प्रकृया अगाडि बढेको छैन । प्रदेश सरकारको योजना भएकाले स्थानीय सरकारले लगानी गर्न कानुन त नमिल्ने हुदा स्थानीय जनप्रतिनिधिले अपजस नै बेहोर्दै आएको गाउँपालिकाका अध्यक्ष नारायण बहादुर कार्की बताउँछन् ।