© २०२३
४ पुष २०८२, शुक्रबार
४ पुष २०८२, शुक्रबार
काठमाडौं ।
मंगलबार सेयर बजार २७ सय अंकको मापदण्डभन्दा तल झरेको छ। नेप्से परिसूचक अघिल्लो दिनको तुलनामा ७.६६ अंक घटेर २६९७ अंकमा कायम भएको हो।बजार घटेसँगै कारोबार रकम पनि घटेको छ। अघिल्लो दिन ५ अर्ब ४० करोडको कारोबार भएकोमा आज ४ अर्ब ३४ करोडमा खुम्चिएको छ।
८६ कम्पनीको मूल्य बढ्दा १५२ कम्पनीको मूल्य घटेको छ भने ५ कम्पनीको मूल्य स्थिर रह्यो। सबै सेक्टरमा गिरावट देखिएको छ, भने अन्यबाहेक सबै सेक्टरका सूचक घटेका छन्।बैंकिङ, विकास बैंक, फाइनान्स, होटल र पर्यटन, हाइड्रोपावर, लगानी, जीवन बीमा, उत्पादन, माइक्रोफाइनान्स, व्यापार र निर्जीवन बीमा सबैका सूचक घटेका छन्।
मिथिला लघुवित्त र हिमालयन पावर पार्टनरका मूल्यमा ९.९ प्रतिशतको वृद्धि भएको छ भने अपरसोलु हाइड्रो इलेक्ट्रिक, भूगोल इनर्जी र पाँचथर पावरका मूल्यमा क्रमशः ७.७, ७.२ र ४.१ प्रतिशतको वृद्धि भएको छ।
त्यस्तै सामुदायिक लघुवित्त र राप्ती हाइड्रोका मूल्यमा क्रमशः ८.२ र ७.७ प्रतिशतको गिरावट आएको छ। कारोबार रकमका आधारमा हिमालयन रिइन्स्योरेन्स, घलेम्दी हाइड्रोपावर, नेपाल पुनर्बीमा, लाइफ इन्स्योरेन्स कर्पोरेसन र नारायणी डेभलपमेन्ट बैंक प्रमुख कम्पनीहरू रहेका छन्।
© २०२३
सर्वाधिकार सुरक्षित
Design & Developed By:
