खोज

‘सामाजिक क्षेत्रमा योगदान दिनेहरूको सम्मान गरौं’ भन्ने नाराका साथ सामाजिक सेवा कार्य दिवस आज नेपालमा मनाईदैछ । यो दिवसले सामाजिक क्षेत्रमा काम गर्नेहरूका लागि प्रेरणा र प्रोत्साहन दिनेछ भन्ने विश्वास लिइएको छ । यो दिवसको नाराले पनि सामाजिक क्षेत्रमा लागेकाहरूको सम्मान गर्नुपर्ने सन्देश दिएको छ । सामाजिक सेवा कार्यमा पछिल्लोसमय त्यति ध्यान जान नसकेको परिस्थितिमा यो दिवसले फेरिपनि समाजमा केही योगदान गर्छु भन्नेहरूका लागि हौसला प्रदान गर्नेछ । समाजमा योगदान पु¥याउने विभिन्न संघ संस्था र सामाजिक व्यक्तिहरूका लागि यो दिवस महत्वपूर्ण रहेको छ । समाजमा राम्रो काम गर्नेहरूले स्वाभाविक रूपमा राज्यबाट सम्मान खोज्छन र योगदानको कदर होस भन्ने चाहन्छन । तसर्थ यो दिवसको अवसरमा राज्यले सामाजिक क्षेत्रमा काम गर्नेहरूलाई सम्मान गरोस् । सामाजिक कार्यलाई राष्ट्रिय गौरव भनिएको छ । तसर्थ यो नारामा कुनै विमति छैन । वास्तवमा सेवाको भाव आफैमा महत्वपूर्ण छ । सामाजिक सेवामा समर्पितहरू राष्ट्रिय गौरव नै हुन् । ति चाहे संस्था हुन वा व्यक्ति । अर्कोतर्फ सम्मृद्धि र सुखको लागि सामाजिक रूपान्तरण र उद्यमशीलता बढाउन यो दिवसले योगदान पु¥याउने निश्चित छ । उद्यमशीलताबाटै सम्मृद्धि हासिल गर्न सकिन्छ भन्ने कुरामा विमति छैन । समाजमा योगदानको हिसावले उद्यम रूपान्तरणको महत्वपूर्ण माध्यम हो । बिडम्वना सामाजिक क्षेत्रमा काम गर्नेहरूलाई तुच्छ ढंगले हेर्ने गरिएको छ । यद्यपि यो अपवाद होला तर सामाजिक क्षेत्रमा योगदान गर्छु भन्नेहरूलाई राज्यले समेत दुःख दिएको धेरै घटना छन् । देशकै लागि योगदान गर्छु भन्नेहरूलाई यसरी हतोत्साही गर्ने काम राज्यबाट हुन्छ भने भोली सामाजिक सेवाको अभियान नै ध्वस्त हुन सक्छ । तसर्थ यो दिवसकै अवसरमा सरकारले सेवा भाव राख्नेहरूलाई दुरुत्साहन होइन प्रोत्साहन गरोस् ।

आजको दिन सामाजिक कार्यकर्ता र सामाजिक सेवा क्षेत्रमा रहेकाहरूका लागि उपलब्धि सार्वजनिक गर्ने महत्वपूर्ण अवसर पनि हो । सामाजिक सेवा कार्य दिवसले सामाजिक कार्यमा उत्कृष्ट अभ्यासहरू प्रवद्र्धन गर्दै सामाजिक न्याय, मानव अधिकार र सामाजिक विकासको वकालत गर्छ । यो दिन सामाजिक कार्यकर्ताहरू र सामाजिक सेवा क्षेत्रमा रहेका अन्य व्यक्तिहरूका लागि आफ्ना उपलब्धिहरू चिनाउने अवसर हो । निश्चितरूपमा पछिल्लोसमय सामाजिक सेवाको काममा त्यति ध्यान जान नसकेको परिस्थितिमा यो दिवसले फेरिपनि समाजमा केही योगदान गर्छु भन्नेहरूका लागि हौसला प्रदान गर्नेछ । सामाजिक क्षेत्रलाई राष्ट्रिय गौरव मानिएको छ । वास्तवमा सेवाको भाव आफैमा महत्वपूर्ण छ । सामाजिक सेवा कार्यमा समर्पितहरू राष्ट्रिय गौरव नै हुन । किनभने सामाजिक सेवाको कार्यले उद्यमशीलता बढाउन मद्दत मिल्छ र त्यसबाट नै सम्मृद्धि हासिल गर्न सकिन्छ भन्ने कुरामा विमति छैन । समाजमा योगदानको हिसावले उद्यम रूपान्तरणको महत्वपूर्ण माध्यम हो । अर्को महत्वपूर्ण पक्ष के छ भने सामाजिक कार्य दिवस खुसीसंग पनि जोडिएको छ । सामाजिक कामले वास्तवमै खुसी र सन्तुष्टी दिन्छ । आज मानिस हरेक क्षेत्रबाट दुःखी भैरहेको बेला सामाजिक कार्यबाट खुसी मिल्नेगरी अघि बढ्न सकेको अवस्थामा निश्चितरूपमा त्यो समाजकै लागि उपलब्धि हुनेछ । तसर्थ सामाजिक कार्यको क्षेत्रमा लाग्नेहरूलाई प्रोत्साहित गर्ने काम राज्यको हो । राज्य आफैले सामाजिक क्षेत्रको उत्तरदायित्व बहन गर्न नसकिरहेको बेला कम्तिमा पनि यो दिवसको सन्दर्भमा प्रोत्साहन गर्नु जरुरी छ । भोलिको दिनमा सामाजिक क्षेत्रको विकासमा महत्वपूर्ण योगदान दिनेहरूलाई दुरुत्साहन होइन, प्रोत्साहन र पुरस्कारको खाँचो छ । जेहोस् सामाजिक कार्य दिवसले यो क्षेत्रमा लागेर समाज परिवर्तनको दिशामा योगदान दिएकाहरूको भूमिका अझै बढाउनेतर्फ ध्यान दिनु जरुरी छ । निस्वार्थ भावले सामाजिक कार्यमा लागेकाहरूलाई कम्तिमा बर्षको एकपटक सम्झिने र सम्मान गर्ने वातावरण वनाउनेतर्फ पहल जरुरी छ ।