जनकपुरधाम ।
धनुषाको सबैला नगरपालिका-९ भठिहनमा चोकको नामकरणलाई लिएर दुई पक्षबीचको विवाद बढ्दा स्थिति तनावपूर्ण बनेपछि प्रहरीले गोली चलाएको छ।
प्रहरीको गोली लागेर २२ वर्षीय सन्तोष यादव घाइते भएका छन्। स्थानीयका अनुसार, प्रहरीले दुई राउण्ड गोली चलाएको छ। यस झडपमा अन्य दुईजना पनि घाइते भएका छन्, जसलाई उपचारका लागि स्थानीय अस्पताल लगिएको छ।
स्थिति अझै तनावपूर्ण रहेको स्थानीय शम्भु पण्डितले जानकारी दिएका छन्। विवादको मुख्य कारण एक पक्षले ‘यादव चोक’ नामकरण गरेपछि अर्को पक्ष विरोधमा उत्रेको हो। आइतबार पनि दुई पक्षबीच झडप भएको थियो, जसपछि प्रहरीले स्थिति नियन्त्रणमा लिन श्रुग्यास हानेको थियो।
