खोज

बुटवल, ०३ चैत्र ।
राष्ट्रिय स्वतन्त्र पार्टी (रास्वपा) का कार्यवाहक सभापति डीपी अर्यालले रविलामिछानेलाई ठूला दलहरूले प्रतिसोध राखेर फसाउन खोजेको बताएका छन् । उनले ठाउँमा आफूले केही समय कार्यवाहक अध्यक्ष रूपमा पार्टी सम्हालेको बताएका छन् ।शनिबार रूपन्देहीको देवदह नगरपालिका–७ को पार्टी कार्यालय उद्घाटन गर्दै सभापति अर्यालले पार्टी अझै पनि रवि लामिछानेको नेतृत्वमा रहेको स्पष्ट पारे ।

उनले भने– ‘हाम्रो पार्टीमा कुनै गुट, उपगुट छैन । पार्टी केवल रवि लामिछाने गुट हो । रविले जनताका समस्याहरू उठाउन थालेपछि एकपछि अर्को उचाइ लिएको ठूला दलहरू मन नपरेका कारणले सहकारी मुद्दामा डुलाएको आरोप लगाए । उनले रविलाई जति डुलाए पनि केही फरक नपर्ने बताए ।बुटवल–नारायणगढ सडक २ वर्ष बन्नु पर्नेमा ८–१० वर्षसम्म ढिलाइ गर्दा त्यसले जनतालाई परेको असरको क्षतिपूर्ति कसले दिने प्रश्न गरे ।

उनले दलहरू आफैँमा खराब नभए पनि दलको नेतृत्व गर्नेहरूको गलत कामले गर्दा मुलुक अगाडि बढ्न नसकेको बताए । अर्यालले रास्वपाले अब जनताको एजेन्डालाई साथ लिएर केन्द्रदेखि वडासम्म काम गर्ने प्रतिबद्धता जनाए । रास्वपा आगामी निर्वाचनमा एउटा ठूलो शक्ति भएर आउने जिकिर गरे । कार्यक्रममा प्रदेश सभापति देवराज पाठकले पछिल्लो समयमा जनातामा देखिएको निराशालाई चिर्नका लागि रास्वपाको उदय भएको उल्लेख गर्दै नागरिकको भरोसाको पार्टीका रूपमा रास्वपाले काम गर्ने आश्वासन दिए ।

देवदह नगर सभापति मेघनाथ भण्डारी, केन्द्रीय विभाग सदस्य गणेश पौडेल, प्रदेश उपसभापति शालिकराम घिमिरे, प्रदेश सल्लाहकार विनोद खरेल, मित्रबहादुर कुवँर, जिल्ला सदस्य बिष्णुप्रसाद पौडेल, नवप्रवेशी धर्मराज पौडेल, भिमलाल काफ्लेलगायतले आआफ्ना भनाई राख्दै पार्टीलाई बलियो बनाउन सबैले आआफ्नो भुमिका निभाउनु पर्ने बताएका थिए ।

यसैबीच शनिबारनै भएको रास्वपाको वडा नम्बर ७ को अधिवेशनले मणिप्रसाद काफ्लेको अध्यक्षतामा नौ सदस्यीय वडा समिति बनाएको छ ।समितिको उपसभापतिमा कर्णबहादुर पुन मगर, सचिवमा अर्जुन उपाध्याय तथा सदस्यहरूमा मन्जु भुसाल, हिलाल न्यौपाने, प्रेम क्षेत्री, राज ठाकुर, पूर्वबहादुर दर्जी र धु्रवप्रसाद शर्मा रहेको भएको जिल्ला सचिव विष्णुप्रसाद पौडेलले जानकारी दिए ।