© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं ।
सञ्चार तथा सूचना, प्रविधिमन्त्री पृथ्वीसुब्बा गुरुङले सरकारले नेपाललाई असफल राष्ट्र बन्नबाट जोगाएको दाबी गरेका छन्। उनले यो भनाइ विज्ञापन प्रवद्र्धनमा विज्ञापन एजेन्सीको भूमिका सम्बन्धी क्षमता विकास कार्यक्रममा आईतबार काठमाडौंमा सम्बोधन गर्दै व्यक्त गरे।
मन्त्री गुरुङले पुँजीगत खर्च गर्न नसक्नुको मुख्य कारण सुशासनको कमी रहेको बताएका छन्। उनले भने, “हामीले अझै वाञ्छित सफलता हासिल गर्न सकेका छैनौँ। विस्तारै हामी श्रीलंका हुनबाट जोगाइएको छ। सरकारले गरेको पहिलो काम भनेको नेपाललाई असफल राष्ट्र बन्नबाट जोगाउनु हो।”
सरकारले अर्थतन्त्रको समस्या सुधार गर्ने प्रयास गरेको भएपनि वाञ्छित सफलता हासिल गर्न नसकेको मन्त्री गुरुङको भनाइ छ। उनले सुशासन र सार्वजनिक सेवाको प्रभावकारिता नै मुख्य समस्याका रुपमा चिनाएका छन् र यसका समाधानमा सरकार प्रतिबद्ध रहेको बताए।
“पुँजीगत खर्च गर्न नसक्नुको मुख्य कारण सुशासन कायम हुन नसकेर हो,” मन्त्री गुरुङले थपे, “हामी यस समस्याको समाधानमा लागिरहेका छौँ र अर्थतन्त्रको सुधारको लागि कडा प्रयत्न गरिरहेका छौँ।”
© २०२३
सर्वाधिकार सुरक्षित
Design & Developed By:
