खोज

काठमाडौं, ०३ चैत्र ।
नेपाली कांग्रेसका महामन्त्री गगन थापाले पूर्वविशिष्टहरूलाई कानुन बनाएर सुरक्षा दिनुपर्ने बताएका छन् । महामन्त्री थापाले पूर्वविशिष्टको सुरक्षा सम्बन्धमा कानुन बनाउने र सोही अनुसारको सुविधा प्रदान गर्नुपर्ने बताएका हुन् ।
त्यस सम्बन्धमा सरकारले पहिला कानुन बनाउँछु भनुपर्छ । त्यही कानुनबाट नेपालको राष्ट्रपति, प्रधानमन्त्री, सेनापति, सभामुख भइसकेका व्यक्तिहरूलाई राज्यले दिनैपर्ने न्यूनतम सुरक्षाको कुरा दिन्छु भन्नुपर्छ,’ महामन्त्री थापाले बताए ।
ढुकुटीमा अत्यन्त धेरै दबाब छ तसर्थ पैसा दिन सकिँदैन । सरकारले चाहेको बेलामा मन्त्रिपरिषदबाट निर्णय गरेर जति चाह्यो त्यति पैसा दिने लामो समयदेखिको अभ्यासलाई कानुन बनाएर रोक्नुपर्छ ।

अहिलेको अवस्था सरकारले भएको सेवा सुविधा पनि कटौती गर्नुपर्ने परिस्थिति रहेको थापाले बताए । ‘यो बेलामा हाम्रो सेवा सुविधा कटौती गरेर, प्रधानमन्त्रीले, मन्त्रीले, सांसदले, गाउँपालिकाले सबैले व्यक्तिगत रूपमा आफूलाई खुम्च्याएर आम नागरिकका लागि काम गरिरहेका छौं भन्नुपर्ने बेला हो । नागरिकहरूले पनि त्यही भनेका छन्,’ उनले भने ।
त्यसकारण ठीक समयमा ठीक ढंगले विषयवस्तुलाई बुझाउन सक्नुपर्नेमा पनि महामन्त्री थापाले सरकारलाई सचेत गराए । आफू स्वास्थ्य मन्त्री हुँदा आएको विशिष्टहरूलाई उपचार खर्च दिने विषय पनि कानुन बनाएर समाधान गरिएको उनले बताए ।