काठमाडौं ।
वाणिज्य बैंकहरूले चैत महिनाका लागि नयाँ ब्याजदर सार्वजनिक गरेका छन्। चैत १ गतेदेखि लागू हुनेगरी अधिकांश बैंकहरूले फागुन महिनाकै ब्याजदरलाई निरन्तरता दिएका छन्।
वर्तमानमा सञ्चालनमा रहेका २० वाणिज्य बैंकहरूमध्ये १७ वाणिज्य बैंकले फागुनको ब्याजदर कायम राखेका छन् भने ३ बैंकले ब्याजदर घटाएका छन्। ब्याजदर घटाउने बैंकहरूमा हिमालयन, लक्ष्मी सनराइज र नेपाल बैंक रहेका छन्।
चैत महिनामा वाणिज्य बैंकहरूको औसत ब्याजदर ५.९३ प्रतिशत कायम गरिएको छ। फागुन महिनामा यो औसत ब्याजदर ६.०१ प्रतिशत थियो।
यस बीचमा, एनआइसी एशिया बैंकले चैत महिनामा सबैभन्दा बढी ब्याज दर ६.६ प्रतिशत तय गरेको छ। अन्य केही बैंकहरूमा पनि ६ प्रतिशत माथिको ब्याज दर पाइने भएको छ
