© २०२३
२८ मंसिर २०८२, आइतबार
२८ मंसिर २०८२, आइतबार
सुर्खेत,२६ फागुन ।
वीरेन्द्रनगरको बीच बजारमा रहेको एक होटलमा आगलागी भएको छ । वीरेन्द्रनगर वडा नम्वर ६ स्थित नेताचोकमा रहेको लाँलीकाँडा होटलमा आज दिउँसो आगलागी भएको हो । होटलबाट सुरु भएको आगलागि छेउछाउका अन्य पसलमा पनि आगो सल्किएको थियो । आगलागिबाट होटलससँगै राजन साइकल स्टोर जिईई फेन्सि पसल र सनम घडी रेडियो पसलमा क्षति पुगेको थियो । होटलमा ग्यास लिग भई आगलागी भएको र आगो सल्किदै गर्दा छेउमा रहेका अन्य दुईवटा पसलमा पनि आगो लागेको जिल्ला प्रहरी कार्यालय सुर्खेतका डिएसपि विरेन्द्रविर विश्वकर्माले जानकारी दिए । आगलागीबाट फेन्सि सामान, मोबाइल तथा होटलका सामानहरुमा क्षति पुगेको छ ।
‘नेता चोक स्थित सेरबहादुर थापाले सञ्चालन गरेको होटलमा आगलागी भएपछि अन्य पसलमा पनि सल्केको रहेछ’ उनले भने, ‘आगलागी भएको थाह पाउनेवित्तिकै प्रहरी टोल खटिई तत्काल आगो नियन्त्रणमा ल्याइएको थियो ।’ उनका अनुसार दिउँसो साढे एक बजे आगलागि भएकोमा झण्डै १५ देखि २० मिनेटमा आगो नियन्त्रणमा ल्याईको थियो । तत्कालै आगो नियन्त्रणमा आएकाले थप क्षति हुन नपाएको उनले बताए । आगोलागिबाट कति क्षति भयो भन्ने विषयमा एकीन विवरण भने नआएको डिएसपि विश्वकर्माले जनाए ।
© २०२३
सर्वाधिकार सुरक्षित
Design & Developed By:
