© २०२३
१९ मंसिर २०८२, शुक्रबार
१९ मंसिर २०८२, शुक्रबार
सुडानमा हैजाको प्रकोप फैलिँदा २ हप्तामै ९२ जनाको ज्यान गएको छ। ज्यान गुमाउनेमा ५ वर्षमुनिका ५ सहित १८ जना बालबालिका पनि रहेका छन्, स्वास्थ्य मन्त्रालयका अनुसार। स्वास्थ्य मन्त्रालयले दिएको जानकारी अनुसार, ह्वाइट नाइल राज्यमा फेब्रुअरी २० पछि हैजाको प्रकोप फैलिएको हो।
फेब्रुअरी १६ मा विद्रोही समूह ‘पारामिलिटरी र्यापिड सपोर्ट फोर्सेस’ (आरएसएफ) ले एउटा पावर स्टेशनमा आक्रमण गर्दा बिजुली आपूर्ति बन्द भएको थियो। बिजुली आपूर्ति रोकिएपछि, सरकारी संयन्त्रद्वारा वितरण हुने पानीको आपूर्ति पनि बन्द भएको र यसले पानीजन्य रोग हैजाको फैलावटमा योगदान पुर्याएको मन्त्रालयले जनाएका छन्।
सुडानको स्वास्थ्य मन्त्रालयले २०२४ को जुलाईदेखि २०२५ को मङ्गलवारसम्म ५७ हजार १ सय ३५ जनामा हैजाको संक्रमण पुष्टि भएको जानकारी दिएको छ। यसक्रममा १ हजार ५ सय ६ जनाले ज्यान गुमाएका छन्।
यसैबीच, सुडानमा सन् २०२३ को अप्रिलदेखि सशस्त्र सेना र आरएसएफबीच युद्ध चलिरहेको छ। युद्धका कारण २९ हजार ६ सय ८३ जनाको ज्यान गइसकेको छ। युद्धले कुपोषण, भोकमरी र हैजाजस्ता रोगहरूको प्रकोप थप बढाएको छ, जसले सुडानको स्वास्थ्य प्रणालीलाई गम्भीर असर पुर्याएको छ।
© २०२३
सर्वाधिकार सुरक्षित
Design & Developed By:
