खोज

बर्दघाट, २५ फागुन । मिनि विश्वकप समेत भनेर चिनिने विश्व क्रिकेट प्रतियोगिता ‘च्याम्पियन्स ट्रफि’ को नवौँ संस्करणको उपाधीका लागि आज (आइतबार) भारत र न्युजिल्याण्ड भिडदैछन । आइ सि सि का ८ पूर्णकालिन सदस्य विच मात्र भएको प्रतियोगिता एकदिवसिय विश्वकप पछिकै प्रतिष्ठित प्रतियोगिताको रुपमा लिने गरिन्छ ।

सन् १९९८ मा पहिलो पटक बंगलादेशले आयोजना गरेको प्रतियोगिताको नवाँै संस्करणको आयोजक पाकिस्तान हो । भारतले सुरक्षा कारण देखाउँदै पाकिस्तानमा आफू नखेल्ने बताए पछि भारत सहभागी सबै प्रतियोगिता ‘न्युट्रल भेन्यु’ युएइ मा भएका थिए भने फाइनल खेल पनि युएइ मै हुनेछ । फाइनल खेल आज दिउसो २ बजेर ४५ मिनेट जाँदा युएइको दुवई इन्टरनेशनल क्रिकेट स्टेडियममा हुनेछ ।

कुल १४ खेल मध्ये १० खेल पाकिस्तान र बाँकी युएइमा हुनेछ । प्रतियोगितामा आयोजक पाकिस्तानसँगै भारत, श्रीलँका, बँगलादेश, अफगानिस्तान, दक्षिण अफ्रिका, न्युजिल्याण्ड र इँग्लैण्ड सहभागिता जनाएका थिए । जसमध्ये श्रीलँका, पाकिस्तान, अफगानिस्तान र बँगलादेश पहिलो चरणबाटै बाहिरिएका थिए, सँयोग, बाहिरिने सबै टोली एशियाली हुन ।

प्रतियोगिताको फाइनल यात्रा तय गर्दा भारतले समुह चरणमा बँगलादेशलाइ ६ विकेटले, पाकिस्तानलाइ ६ विकेटले, न्युजिल्याण्डलाई ४४ रनले र अष्ट्रेलियालाई ४ विकेटले पराजित गरेको थियो । यस्तै न्युजिल्याण्डले फाइनल यात्राको लागि पाकिस्तानलाइ ६० रनले, बँगलादेशलाई ५ विकेटले, र दक्षिण अफ्रिकालाई ५० रनले पराजित गरेको थियो । सम्पन्न ८ प्रतियोगितामा अष्ट्रेलिया २, भारत, दक्षिण अफ्रिका, न्युजिल्याण्ड, वेष्ट इन्डिज र पाकिस्तानले १—१ पटक उपाधी चुमेका छन । सन २००२ को फाइनलमा मा २ पटक सम्म वर्षाले खेल रद्द भएपछि भारत र श्रीलँकालाइ उप विजेता घोषित गरिएको थियो ।

भारत र न्युजिल्याण्ड हेड टु हेड
एकदिवसिय क्रिकेटमा भारत र न्युजिल्याण्ड विच कुल १ सय १९ खेल भएका छन । १ सय १९ खेलमा भारतले ६१ र न्युजिल्याण्डले ५० जित आफ्नो पोल्टामा पार्न सफल भएका छन । ७ खेल नतिजा विहिन रहँदा १ खेल भने बराबरीमा टुँगिएको छ । भारतले गृह मैदानमा ३१ जित निकाल्दा न्युजिल्याण्डले २६ खेलमा जित निकालेको छ । तटस्थ मैदानमा दुबै टिमले १६–१६ जित निकालेका छन । नवौँ सँस्करणको फाइनल खेल पनि तटस्थ मैदान युएइमा हुँदैछ । च्याम्पीयन्स ट्रफिमा भारत र न्युजिल्याण्डको भेट २ पटक भएकोमा दुबैले १–१ जित निकालेका छन ।

प्रभाव पार्न सक्ने खेलाडी
जारी च्याम्पीयन्स ट्रफिमा युवा र अनुभवी दुबै खेलाडीहरुको प्रदर्शन उत्कृष्ट छ । न्युजिल्याण्डका केन विलियमसन, रचिन रविन्द्र टम लाथम उत्कृष्ट ब्याटिङ्ग लयमा छन भने भारतका विराट कोहली, श्रेयस ऐयर, शुभमन गिलको प्रर्दशन उच्च रहेको छ । यस्तै बलिङ्गमा म्याट हेनरी मिचेल स्यान्टनरले विपक्षी टोलीलाई दवावमा राखिरहँदा भारतिय बलरहरु मोहम्मद सामी, वरुण चक्रवर्ति अक्सर पटेलको प्रदर्शन उच्च रहेको छ ।
तथ्याँकमा उत्कृष्ट प्रदर्शनलाइ हेर्दा न्युजिल्याण्डका युवा खेलाडी रचिन रविन्द्रले ३ खेलमा २ सतक सहित २ सय २६ ब्यक्तिगत रन जोडेका छन यस्तै टम लाथमले ४ खेलमा १ सय ९१ र केन विलियमसनले ४ खेलमा १ सय ८९ ब्यक्तिगत रन जोडेका छन । यस्तै बलिङ्गमा म्याट हेनरीले ४ खेलमा ३१ दशमलव २ ओभरमा ५ दशमलव ३२ को औषतले १ सय ६७ रन खर्चदै १० विकेट लिएका छन । मिचेल स्यान्टनरले ४ खेलमा ४० ओभर बलिङ्ग गर्दै ४ दशमलव ८५ को औषतले १ सय ९४ रन खर्चेर ७ विकेट लिएका छन । न्युजिल्याण्डको फिल्डिङ्ग पक्ष पनि निकै शशक्त रहेको छ ।
यस्तै भारतका अनुभवी ब्याटर विराट कोहलीको प्रदर्शन उत्कृष्ट रहेको छ । कोहलीले ४ खेलमा १ सतक सहित २ सय १७ रनको योगदान गरेका छन । परिस्थिती अनुसार खेल्न सक्ने कोहली भारतिय टोलीका भरपर्दा र प्रमुख ब्याटर हुन । यस्तै मध्यक्रमका श्रेयस ऐयरले पनि ४ खेलबाट १ सय ९५ रन जोड्दै आफू फर्ममा रहेको प्रमाणित गरेका छन । उनी विपक्षिको बलमा आक्रमक रुपमा प्रस्तुत हुन सक्ने खेलाडीको रुपमा आफूलाई उभ्याएका छन । भारतिय ओपनर शुभमन गिल आक्रमक ब्याटिङ्ग गर्न सक्ने खेलाडीको रुपमा परिचित छन उनले ४ खेलबाट १ सय ५७ रनको योगदान टिमलाई गरेका छन । भारतिय पक्षको बलिङ्ग पनि उत्तिकै सटिक रहेको छ । तिव्रगतिका बलर मोहम्मद शामी ४ खेलबाट ४ दशमलव ९६ को औषतले बलिङ्ग गर्दै ८ विकेट लिएका छन । यस्तै बरुण चक्रवर्ति मात्र २ खेलबाट मात्र ४ दशमलव ५५ को औषतले बलिङ्ग गर्दै ७ खेलाडीलाई पवेलियनको बाटो देखाएका छन । समग्रमा फाइनल पुगेका दुबै टोलीमा अधिकाँश खेलाडी अलराउण्ड रहेका छन ।