सामग्री खोज्नुहोस्

काठमाडौँ, १९ फागुन ।

अमेरिकाको लस एन्जलसमा ९७औं ओस्कर अवार्डको घोषणा गरिएको छ। यस बर्षको ओस्कारमा फिल्म अनोरा ले उत्कृष्ट चलचित्रको अवार्ड जित्न सफल भएको छ।

डार्क कमेडी फिल्म अनोरा का लागि शन बेकरले उत्कृष्ट निर्देशकको ओस्कार जितेका छन्। यस पटक ओस्कारमा फिल्म अनोरा ले कुल पाँच अवार्ड जितेको छ, जसमा उत्कृष्ट चलचित्र, उत्कृष्ट निर्देशक, उत्कृष्ट अभिनेत्री, मौलिक पटकथा, र सम्पादनका अवार्डहरू समावेश छन्।

त्यस्तै, द ब्रुटालिस्ट का लागि एड्रियन ब्रोडीले उत्कृष्ट अभिनेताको ओस्कार जितेका छन् भने अनोरा का लागि माइकी म्याडिसनले उत्कृष्ट अभिनेत्रीको अवार्ड जितेकी छन्। एमिलिया पेरेज का लागि अभिनेत्री जो साल्डानाले उत्कृष्ट सहायक अभिनेत्रीको अवार्ड जितेकी छन्।

ब्राजिलियन फिल्म आइ एम स्टिल हियर ले उत्कृष्ट अन्तर्राष्ट्रिय फिचर फिल्मको अवार्ड जितेको छ भने फिल्म द ब्रुटालिस्ट ले उत्कृष्ट छायांकनको ओस्कार जितेको छ।

त्यसैगरी, आइ एम नट अ रोबोट, एक डच एआई फिल्मले उत्कृष्ट छोटो चलचित्रको ओस्कार जितेको छ, भने एल माल ले एमिलिया पेरेज को लागि उत्कृष्ट मौलिक गीतको ओस्कार जितेको छ। विक्ड ले उत्कृष्ट निर्माण डिजाइनको ओस्कार जितेको छ भने अनोरा ले उत्कृष्ट मौलिक पटकथाको ओस्कार पनि जितेको छ।

यस वर्षको ओस्कार समारोह लस एन्जलसको आगलागीले ठूलो जनधनको क्षति पुर्‍याएपछि भव्यतासाथ आयोजना गरिएको थियो। यस क्रममा लस एन्जलसका अग्निनियन्त्रकहरूलाई पनि मञ्चमा बोलाइएको थियो र मानिसहरूले ताली बजाएर स्वागत गर्दै उनीहरुलाई धन्यवाद दिइएको थियो।

कार्यक्रममा हालै निधन भएका पूर्व ओस्कर विजेता र प्रसिद्ध अभिनेता जीन ह्याकम्यानलाई पनि सम्झिएको थियो। केही दिन अघि मात्र ह्याकम्यानको मृत्यु भएको थियो।

यस वर्ष डेडपूल र वोल्भरिन बीचको जबरदस्त भिडन्तले फ्यानहरूलाई धेरै रोमाञ्चित गर्यो। फिल्म इनसाइड आउट २ ले बक्स अफिसको रेकर्ड तोड्यो भने, जोकरको सिक्वेलले उस्तै सफलता हासिल गर्न सकेन। यस बर्ष नेटफ्लिक्सको फिल्म एमिलिया पेरेज ले सबैभन्दा धेरै मनोनयन पाएको थियो।

ओस्कर अवार्ड विजेताको सूची: https://www.oscars.org/oscars/ceremonies/2025