खोज

बुटवल, १८ फागुन । नीजि क्षेत्रबाट निमार्णधिन रुपन्देहीको एक्स्ट्राटेक ओभल क्रिकेट स्टेडियमको सद्भावना दुतमा दुई जना महिला खेलाडीहरु अनुबन्ध भएका छन । नेपाली यु–१९ महिला क्रिकेट टिमका क्याप्टेन पुजा महतो र कविता कुँवरलाई एक्स्ट्राटेक ओभल क्रिकेट स्टेडियमको सद्भावना दुतमा अनुबन्ध गरिएको हो ।

आईतबार एक समारोहका बिच नेपाल क्रिकेट संघ क्यानका उपाध्यक्ष रोशन सिंहको उपस्थितिमा दुई खेलाडीलाई स्टेडियमका प्रबन्ध निर्देशक विनोद कुँवरले सम्झौतापत्र हस्तान्तरण गरे । प्रबन्ध निर्देशक कुवँरले यो अनुबन्ध दुई वर्षका लागि गरिएको बताए । यसअघि पूर्व क्रिकेटर शक्ति गौचनलाई अनुबन्ध गरिएको भन्दै उनले खेल पूर्वाधारमा खेलाडीहरुलाई जोड्ने गरि यो अभियान चलाएको बताए । नेपाली महिला क्रिकेटको भविष्य उज्जवल रहेको भन्दै उनले खेलाडीहरुलाई आवश्यक सहयोगका लागि आफु सधै तैयार रहेको बताए ।

कार्यक्रममा नेपाल क्रिकेट संघ क्यानका उपाध्यक्ष रोशन सिंहले नेपालको खेल क्षेत्रमा बिनोद कुवरबाट जस्ता युवाहरुको योगदानकै कारण खेल क्षेत्रको भविष्य बन्ने दाबी गरे । ‘खेलमा ब्यवसायिक तवरका नया काम भएको छ ।’–उनले भने । पुर्वाधार विकाससंगै खेल गतिविधिका काममात्र नभई महिला खेलाडीहरुलाई जोड्ने नया ढंगबाट यो अभियान शुरु भएको उनले बताए । छोटोसमयमा पुर्वाधार विकासको कामको प्रगति नया र उत्कृष्ट ढंगमा हुदा आफु चकित परेको बताए । रात्रिकालिन खेल खेलाउन मिल्ने गरि पाच वटा फ्लड लाईट जडान गर्ने उत्कृष्ट र ईतिहास रच्ने काम भएको उनले बताए । देशमा सयौ ब्यवसायिक घरानाहरु रहेको भएपनि खेल क्षेत्रको विकास र खेलाडीलाई प्रोत्साहन गर्ने काममा न्यून संख्याबाट मात्र योगदान भएको उनले दुखेसो ब्यक्त गरे । ‘खेलाडीहरुलाई उर्जा थप्ने काममा सबै लाग्नुपर्छ ।’–उनले भने । क्रिकेट काठमाडौ बाहिर लैजानुपर्छ भन्नेमा क्यान सकारात्मक भएको उनले बताउदै पूर्वाधार विकाससंगै खेल देशका हरेक भेगमा हुनेमा आशाबादी रहेको बताए ।

कार्यक्रममा यु–१९ का टिम क्याप्टेन पुजा महतोले यही मैदानबाट नै खेल अभ्यास थालेर खेलमैदानकै सदभावना दुत बन्न पाउँदा धेरै खुशी लागेको बताईन । ‘यो खेलमैदान मेरो लागी भाग्यमानी छ ।’–उनले भने । यसमा नै अभ्यास खेलेर वर्ड कप खेल्न एउटा क्याप्टेनका रुपमा भुमिका पाएको उनले बताईन । खेलाडीका रुपमा उत्कृष्ट प्रदर्शन गर्दै देशको नाम उचाईमा लग्ने उनले प्रतिवद्घता जनाईन ।
कार्यक्रममा खेलाडी कविता कुँवरले नया ठाउँ र नया स्थान पाउँदा धेरै खुशी भएको बताईन । खेलाडीहरुको लक्ष्य अनुसार खेलप्रति आफू निरन्तर योगदान दिने समेत बनाईन ।

कार्यक्रममा नेपाल खेलकुद पत्रकार मंच रुपन्देहीका अध्यक्ष सुमन अधिकारीले खेल क्षेत्रमा नया ईट्टा थप्ने गरि एक जना युवाबाट काम भैरहेको भन्दै दैनिक नयानया कामबाट यसबाट तरङ ल्याएको बताए । खेल पत्रकारीतामा जिम्मेवारी बोध गराउने गरि निरन्तर नया गतिविधि भैरहेको उनले बताए ।
कार्यक्रममा स्टेडियमका डाईरेक्टर सुर्य कुँवर, पत्रकार दिपेन्द्र कुँवरले पूर्वाधार विकाससंगै लुम्बिनीमा खेल पर्यटनको सम्भावनालाई उजागर गरेको बताए ।