खोज

बुटवल, १७ फागुन ।
लुम्बिनी इन्टरनल मेडिसिन सोसाइटी (लिम्स) को आयोजनामा अन्तराष्ट्रियस्तरको न्युरोसाइन्स कन्फ्रेन्स सम्पन्न गरेको छ । सिद्धार्थनगरमा शनिबार भएको कार्यक्रममा विभिन्न देशका मस्तिष्कघाट रोग विशेषज्ञहरुले आधुनिक युगमा भैरहेको उपचार विधिबारे आफनो प्रस्तुति दिएका थिए ।
कार्यक्रममा थाइल्यान्डका मस्तिष्कघात विशेषज्ञ डा सुराकस कमाङयाङले मस्तिष्कघातको उपचारबारे नया विकास भएको उपचार विधि र औषधिको प्रयोगको बारेमा बताए । भारतका मस्तिष्कघात पार्किङसन रोग विशेषज्ञ डा रोहित बन्जिलले पार्किङसन रोग सम्बन्धी औषधि व्यवस्थापन सम्बन्धी जानकारी दिए । यसैगरि ग्राण्डी अस्पताल काठमाडौका मस्तिष्कघात पार्किङसन रोग विशेषज्ञ डा राजु पौडेलले पक्क्षघात रोगलाइ उपचार र औषधी प्रयोग सम्बन्धी बताए ।

कार्यक्रममा सिजर टाउको दुखाइ, रिंगटा लाग्ने तथा नशाका विभिन्न समस्याको बारेमा देशका विभिन्न ठाउका विशेषज्ञ चिकित्सकहरुले न्युरोसम्बन्धि रोग र यसको उपचार औषधीको प्रयोग सम्बन्धी १८ विषयमा कार्यपत्र प्रस्तुत गरेका थिए ।

कार्यक्रममा देसका विभिन्न ठाउका न्युरोलोजिस्ट, फिजिसियन, नाक कान घाटी रोग, एनेस्थेटिस्ट मेडिकल अधिकृत, नर्स लगायत अन्य स्वस्थ्यकर्मीहरुको सहभागिता रहेको थियो । लुम्बिनी इन्टरनल मेडिसिन सोसाइटीका अध्यक्ष डा. बिष्णु पौडेलले आफुहरुले चार वटा ठूलो सिएइ कार्यक्रम, वार्षिक बुलटिन, सदस्यहरु बृद्धि तथा इन्टरनल मेडिसिन सम्बन्धी बिभिन्न कार्यक्रम गरेको बताए ।

कार्यक्रम संयोजक डा नन्दु प्रसाद पाठकले चिकित्सकहरुबाट उपचार विधिमा अप्नाउदै आएका नयानया प्रविधि र उपचारबारे एकअर्कामा सिकाई हुने गरि कार्यक्रम गरिएको बताए । यो वर्ष ‘तीव्र इस्मिक स्ट्रोक विस्तार –गर्वको लागि निवेदन’ नारा घोषणा गरेको छ ।

कार्यक्रममा डा प्रकाश भट्टराई, डा सुमन आचार्य, डा प्रिया छेत्री, डा बिबेक खनाल, डा संस्कृति भट्टराईले आफनो अनुभव बारेमा बताएका थिए । लुम्बिनी प्रदेश भरिका करिव १०० भन्दा बढी इन्ट्रनल मेडिसिन ( फिजिसियन ) डाक्टर सदस्य रहेको लुम्बिनी इन्टरनल मेडिसिन सोसाइटी (लिम्स) बिभिन्न कार्यक्रम गर्दे आएको छ ।