खोज

बुटवल, १४ फागुन ।
महाशिवरात्रीको पुजा गर्ने दर्शनार्थीहरुको बुधबार शिव मन्दिरहरुमा भिडसंगै भजनमा रमाएका छन । पाल्पाको शिद्धबाबा धाम मन्दिर, बुटवल उपमहानगरपालिका वडा नं १६ स्थित ऐतिहासिक श्री नरेश्वर महादेव बोलबम धाम, सैनामैनाको स्वयंउत्पत्तिमान परोर्हा परमेश्वर धाम, मणिमुकुन्द सेन उद्यान परिसरमा रहेको पाच सय वर्ष पुरानो शिव मन्दिर, सिद्धार्थनगरको बसडिलवास्थित शिव मन्दिरमा भिड र भजन भैरहेको छ ।

श्री सिद्घेश्वर महादेव तथा राधाकृष्ण मन्दिर तिलोत्तमा–२, तपाहामा पछिल्लो एक दशकदेखी शिवरात्रीमा पुजा गर्ने दर्शानार्थीहरुको भिड लाग्ने गरेको छ । सिचाईमा सहभागीहरुबाट बिश्राम गर्ने नजिकमा यो मन्दिर बिसं २०५४ सालमा स्थापना भएको हो । तत्कालिन समयमा संस्थापक अध्यक्ष स्वर्गिय लक्ष्मण बहादुर पौडेलबाट मन्दिर निमार्ण गरिएको थियो । विस २०७० सालमा विधिवत दर्ता भई समितिबाट काम हुदै आएको मन्दिरका अध्यक्ष खिम बहादुर पौडेलले बताए । विभिन्न चन्दादाता र भक्तजनहरुबाट सहयोग जुटाएर मन्दिरको ब्यवस्थापन हुदै आएको उनले बताए । हिन्दु धर्म र संस्कृति संरक्षण अभियानमा ईटटा थप्ने काम समुदायबाट भएको उनले बताए ।

मन्दिरमा बिहानसाझ दैनिक पुजपाठ र रुद्री गर्न दुई जना पंडितहरु रहेको मन्दिरका सचिव प्रेम प्रसाद भुषालले बताए । मन्दिरमा विशेष गरि महाशिवरात्रीसहित कृष्णअष्टमी, रक्षा बन्धन र तिजमा बिशेष कार्यक्रम हुदै आएको उनले बताए । मन्दिरमा प्रत्येक सोमबार, एकादशीमा भजनकृतन गर्दै आएको छ । भजन र्कितन समिति नै बनाएर नियमित नाचगान हुदै आएको छ । मन्दिरमा १६ जनाबाट अक्षयकोष स्थापना भएको छ । यसैगरि ३६८ जना आजिवन सदस्यहरु रहेका छन ।

श्री सिद्घेश्वर महादेव तथा राधाकृष्ण मन्दिर तिलोत्तमा–२, तपाहामा लागेको भक्तजनहरुको भिड ।