खोज

बुटवल, १३ फागुन ।
अर्घाखाँचीकी सम्झना नेपालीलाई उपचारका लागि सहयोग जुट्न थालेको छ । ३० वर्षकी सम्झना मृगौला रोगबाट ग्रसित बिरामी हुन् । उनलाई कपिलबस्तुको वाणगंगा नगर पालिका १ का लेखत बहादुर मल्लले बुटवलको लुम्बिनी प्रादेशिक अस्पतालमा भेटेर ११ हजार ५ सय रुपियाँ आर्थिक सहयोग गरेका छन् ।मल्लले आफ्नो ९४ औं जन्मोत्सवको अवसरमा सहयोग प्रदान गरेको बताए । आर्थिक अवस्था अत्यन्त कमजोर भएका कारणले उपचारमा समेत समस्या भइरहेको थियो । बुटवल टुडे दैनिकले माघ २६ गते रोग र गरिबीसँग सम्झनाको लडाइँ शिर्षकमा समाचार छापेसगै सहयोग शुरु भएको छ ।

उनी भन्छिन्–पत्रिकामा सम्झना समाचार पढे पछि उनलाई सहयोग गर्ने मन लाग्यो र मैले बुटवल टुडेको कार्यालयमा सम्पर्क गरेर बिरामीसम्म आईपुगेको हँु । आजभोली बिरामी र सहयोगका नाममा उठेका रकमहरू दुरूपयोग हुने भएकाले आफैले बिरामीलाई भेटेर रकम दिन आवश्यक ठाने र आएको हुँ, उनले भने । । यसरी बिरामी आफैलाई उपचारमा सहयोग गर्न पाउँदा पुन्यको महसुस भएको छ ।

श्रीमती गंगाकुमारी मल्ल र छोरा अमृत मल्लसँगै आएका लेखतले पैसासँगै फलफूल र खाद्यान्न समेत प्रदान गरेका छन् । मल्लका तीन छोरा र तीन छोरी छन् । सामान्य खेती किसानी गरेर जीवन निर्वाह गरेका उनले सरकारले प्रदान गरेको वृद्धभत्ताको रकमलाई सहयोग स्वरूप प्रदान गरेको बताए । मल्लसँगै आएका कान्छा अमृतले वुवाले ९४ वर्ष पुगेको अवसरमा चौरासीको पूजा लगाउन भन्दा वास्तविक दुःखी र गरिबलाई सहयोग गर्ने इच्छा रहेकाले यो सहयोग रकम प्रदान गरेको बताए । यो कुरामा सबै परिवारका सदस्यहरू नै खुशी छन् ।

त्यसैगरी पत्रकार उषाकिरण पन्थले बिरामी सम्झनाको उपचारमा सहयोग होस् भन्ने उद्देश्यले ५ हजार सहयोग गर्ने प्रतिबद्धता व्यतिm गरेकी छन् । पन्थ रूपन्देहीको सैनामैना निवासी हुन् उनले लामो समयदेखि बुटवललाई कर्मथलो बनाएर पत्रकारिता गर्दै आईरहेकी छन् । सम्झनाले अहिले पनि लुुम्बिनी प्रादेशिक अस्पताल हप्तामा दुई पटक सम्म डायलाइसिस गराईरहेकी छन् । जसका लागि हप्तामा तीन हजार रुपियाँ खर्च लाग्छ ।

असारबाट अहिलेसम्म आईपुग्दा ८ देखि ९ लाख रुपियाँ खर्च भईसक्यो । गाउँका साथी भाईहरूले चन्दा उठाएर ९० हजार रुपियाँ दिनु भएको हो । शुरुमा एक महिना १५ दिन अस्पतालमा नै बसेर उपचार गरेकोे त्यसबेला त्यति रकम खर्च भई सक्यो । उनका श्रीमानले आजभोलि बुटवलमा आफूलै दैनिकी मजदुरी गरेर औषधी र तीन सन्तानका लागि बिहान साँझको छाक टारिरहेका छन् । यो बाध्यताको बीचमा रहेका ती कलिला ३ बालबालिकाहरूको अवस्था अझै दयनिय छ । उनीहरूको शिक्षाको अवस्था अन्योल छ ।
बिरामी सम्झनाले सहयोग रकम पाए पछि खुशी हुदै केहि समय भए पनि आन्नदले उपचार गर्न पाउने भए भन्दै खुशीका आशु झरिन । यसरी नै सहयोगीहरूले सहयोग गर्नु भयो भने केहि समय बाचेर यी कलिला बालबालिकालाई आमा भन्ने अधिकार त दिन सक्थे होला ।