खोज

बुटवल, ११ फागुन ।
आफनो वरपरको सम्पदा क्षेत्रको प्रचारप्रसार गर्ने उदेश्यका साथ रोटरी दिवसमा सम्पदा पद यात्रा कार्यक्रम गरिएको छ । रोटरी आरआई डिष्ट्रिक ३२९२ नेपाल–भुटान रिजन ५ अन्तरगतका विभिन्न क्लबहरुको संयुक्त आयोजनामा आईतबार बुटवलको २ सय वर्ष पुरानो मानिएको जल बिनायक मन्दिरदेखी सामरिक महत्व बोकेको जितगढी किल्लासम्मको सम्पदा पदयात्रा गरिएको हो ।

पुरातात्विक र ऐतिहासिक रुपमा परिचित पारी बुटवल क्षेत्रमा रहेका जलबिनायक, पुरानो बटौली बजार, निमचोक हुदै अग्रेज फौजलाई नेपाली सेनाले पराजित गरेको सामरिक महत्वको जितगढी किल्लासम्म पदयात्रा गरिएको रोटरी क्लब अफ बुटवलका अध्यक्ष प्रज्वल थान्जुले बताए । ३ दिवसिय कार्यक्रम अन्तरगत आईतबार मुख्य संस्कृति जर्गेना र प्रचारप्रसारको सन्देश दिने सफल भएको उनले बताए । रोटरी क्लब स्थापना भएको १२० वर्ष पुगेको अवस्थामा ३ दिवसिय रोटरी दिवस कार्यक्रम गरि यस क्षेत्रका क्लबहरुको बिचमा आपसी भातृत्व र एकताको सन्देश समेत दिन सफल भएको उनले बताए ।

कार्यक्रममा रोटरी क्लब अफ डाउनटाउनका अध्यक्ष शिव ज्ञवालीले रोटरीहरु सो क्षेत्रमा रहेका ऐतिहासिक क्षेत्र भ्रमण, सामरिक महत्वको क्षेत्रको बारेमा जानकारी लिने र अरुलाई बुझाउन मद्यत मिल्ने गरि कार्यक्रम गरिएको बताए । पर्यटकिय स्थलको भ्रमण गरि प्रचारप्रसार गर्ने रुपमा कार्यक्रम गरिएको बताए ।

कार्यक्रममा एजी खिमानन्द पाण्डे, डिष्ट्रिक अफिसियल लक्ष्मण ज्ञवाली, ओम जैसीले रोटरीको स्थापना र समाजमा गरेको योगदानका बारेमा प्रकाश पारेका थिए ।

कार्यक्रममा विभिन्न क्लबका डेढ सय बढी सहभागी रहेका थिए । रिजन ५ अन्तरगतको कावासोसीदेखि धनगढीसम्मको एरिया पर्छ । डिष्ट्रिक अन्तरगत नेपालका रहेका १४४ वटा क्लबहरुले आफना गतिविधि गर्दै आएका छन भने २०८ वटा राष्ट्रमा रोटरी स्थापना भएका छन ।