दाङ ।
दाङमा ९२ प्रतिशत किशोरीले पाठेघरको मुखको क्यान्सरविरुद्धको खोप लगाएका छन् । जिल्लामा माघ २२ देखि फागुन ६ गतेसम्म चलेको खोप लगाउने अभियानका व्रmममा लक्ष्यको ९२ प्रतिशत अर्थात् ३६ हजार ५५९ जना किशोरीले एचपिभी खोप लगाएका हुन् ।
स्वास्थ्य कार्यालय दाङका अनुसार अभियानका क्रममा जिल्लामा ३९ हजार ४५० जना किशोरीलाई एचपिभी खोप लगाउने लक्ष्य भए पनि ९२ प्रतिशत अर्थात् ३६ हजार ५५९ जनालाई मात्र खोप लगाउन सफल भएको कार्यालय प्रमुख किशोर आचार्यले जानकारी दिएका छन् ।
जिल्लामा तीन हजार २१ जना किशोरी खोप लगाउनबाट छुटेका छन् । कार्यालय प्रमुख आचार्यका अनुसार जिल्लामा लक्ष्य अनुसार सबैभन्दा धेरै शान्तिनगर गाउँपालिकामा ९८ प्रतिशतले खोप लगाएका छन् । एक हजार ५१० किशोरीलाई एचपिभी खोप लगाउने लक्ष्य भएकोमा एक हजार ४९५ जनाले खोप लगाएका छन् ।
त्यसै गरी घोराही उपमहानगरपालिका र राजपुर गाउँपालिकामा ९७÷९७ प्रतिशत किशोरीले खोप लगाएका छन् । घोराहीमा १२ हजार ६७८ जनालाई गराउने लक्ष्य भएकोमा १२ हजार ३५७ जना र राजपुर गाउँपालिकामा एक हजार ३६२ जनालाई खोप लगाउने लक्ष्य भएकोमा एक हजार ३२१ जनाले खोप लगाएका छन् ।
२७ मंसिर २०८२, शनिबार
