खोज

बुटवल, ९ फागुन ।

बुटवल कालिका क्याम्पस बुटवल–१० रामनगरको आयोजनामा भएको अन्तर प्लस २ सुपर सिक्स क्रिकेट प्रतियोगिताको उपाधि शान्ति नमुना माविले जितेको छ । शान्ति नमुना माविको “बी “ समूहलाई पराजित गर्दै शान्ति नमुना मावि मणिग्राम “ए“ समूह विजयी भएको हो ।

पहिला टस जितेर ब्याटिङ रोजेको ए टिमले ९७ रन बनाएको थियो । जवाफी ब्याटिङमा उत्रिएको बि टिमले सबै विकेट गुमाउँदै जम्मा ८० रन मात्रै बनाएको थियो ।

विजयी भएको समूह शान्ति नमुना माविले नगद २० हजार सहित ट्रफी, मेडल र प्रमाणपत्र प्राप्त गर्याे । यस्तै उपविजेता बनेको “बि“ समूहले १५ हजार सहित ट्रफी, मेडल र प्रमाणपत्र प्रदान गरिएको हो ।

प्रतियोगिता समापन कार्यक्रममा बुटवल कालिका क्याम्पसका सहायक क्याम्पस प्रमुख महेश पाण्डे, बिबिएस कार्यक्रम संयोजक बुद्धि बहादुर चौधरी , अतिरिक्त क्रियाकलाप संयोजक रेश्मिराज शर्माले पुरस्कार प्रदान गरेका हुन् ।

प्रतियोगितामा म्यान अफ द सिरिज शान्ति नमुनाका नविन भण्डारी भए । यस्तै बलरमा क्यानन् माविका रोहित कुमार पासवान भए भने बेष्ट ब्याट्सम्यान शान्ति नमुनाका पियुष कुमार गुरुङ भएका छन् ।

प्रतियोगितामा म्यान अफ द म्याचलाई १ हजार, म्यान अफ द सिरिजलाई २ हजार ५ सय, बेष्ट बलर, बेष्ट ब्याट्सम्यानलाई १ हजार ५ सय सहित ट्रफी र प्रमाणपत्र प्रदान गरिएको बुटवल कालिका क्याम्पसका अतिरिक्त क्रियाकलाप संयोजक रेश्मिराज शर्माले जानकारी दिए ।