© २०२३
२ पुष २०८२, बुधबार
२ पुष २०८२, बुधबार
दाङ, ९ फागुन ।
तुलसीपुर उपमहानगरपालिका वडा नं. १७ स्थित एक इट्टा उद्योगमा श्रमिकहरू बीच विवाद हुँदा तीन जना घाइते भएका छन्। रमेश ओलीले सञ्चालन गरेको एडिसी इट्टा उद्योगमा शुक्रबार दिउँसो साढे १२ बजेतिर श्रमिकहरू बीच सामान्य विवाद उत्पन्न भएको र त्यसपछि कुटपिट भएको प्रहरीले जनाएको छ।
इलाका प्रहरी कार्यालय तुलसीपुरका प्रहरी निरीक्षक सूर्य रानाका अनुसार कुटपिटबाट भारत बहराइच नानपारा दिहातका ३१ वर्षीय जमुल खानको अवस्था गम्भीर रहेको छ। उनलाई दुबै हात, खुट्टा, ढाड र छातीमा चोट लागेको छ। त्यस्तै, ५० वर्षीय कलिम महिमद र ४८ वर्षीय भुजाउ मोहमतको अवस्था मध्यम रहेको छ।
तीन घाइतेको राप्ती प्रादेशिक अस्पताल तुलसीपुरमा उपचार भइरहेको छ। घटनामा संलग्न ६ जनालाई प्रहरीले नियन्त्रणमा लिएको छ। उनीहरूमा भारत बहराइच नानपारा दिहातका ३२ वर्षीय साबिर खान, २२ वर्षीय संशेर खान, २४ वर्षीय अरवाज खान, बाँके नेपालगंज नगरपालिकाका २६ वर्षीय खुर्सीद दर्जी, ३५ वर्षीय जाखिर दर्जी र ४० वर्षीय मोहर अली समावेश छन्।
प्रहरीले घटनामा संलग्न व्यक्तिहरूको अनुसन्धान जारी राखेको जानकारी दिएको छ।
© २०२३
सर्वाधिकार सुरक्षित
Design & Developed By:
