काठमाण्डौ, ८ फागुन ।
काठमाण्डौको हनुमानढोकामा रहेको सानो पशुपतिनाथ मन्दिर अगाडि एक जना पुरुषको शव भेटिएको छ। शवको पहिचान खुल्न सकेको छैन। बिहान झन्डै ३५ वर्षका पुरुषको शव भेटिएको जिल्ला प्रहरी परिसर काठमाण्डौका प्रवक्ता एवम् प्रहरी उपरीक्षक अपिलराज बोहोराले जानकारी दिएका छन्।
शवको प्रकृति हेर्दा हत्याको आशंका गरिएको छ र प्रहरी अनुसन्धान अघि बढाएको बताइएको छ। यस घटनामा संलग्न रहेका दुई जनालाई पक्राउ गरेर अनुसन्धान सुरू गरिएको प्रहरी उपरीक्षक बोहोराले जनाएका छन्।
यसैबीच, बल्खु क्षेत्र नजिक मृत भेटिएका व्यक्तिको हत्या सम्बन्धी आशङ्कामा प्रहरीले ६ जनालाई पक्राउ गरेको थियो। तर, २ जनालाई प्रहरीले पछि रिहा गरेको छ। मकवानपुरका रामकृष्ण दाहाल मृत भेटिएपछि उनीसँग सम्बन्धित व्यक्तिहरूलाई प्रहरीले नियन्त्रणमा लिएको थियो।
