खोज

बुटवल, ८ फागुन ।

बुटवल कालिका क्याम्पसको आयोजनामा जारी सुपर सिक्स ‘बुटवल कालिका कप क्रिकेट प्रतियोगिता–२०८१’ मा विहीबार ५ वटा खेल सम्पन्न भएका छन् ।

विहीबारबाट ४ वटा समुहले सेमिफाईनलको यात्रा तय गरेका छन् । बुटवल कालिका क्याम्पसका अतिरिक्त क्रियाकलाप संयोजक रेश्मीराज शर्माका अनुसार सेमिफाईलनका लागि शुक्रबार विहान ९ बजेबाट खेल सुरुवात हुने छ ।

जसमा पहिलो खेल क्यानन मावि बुटवल र शन्ति नमुना माविको ‘बी’ टिमका बिचमा हुने छ भने दोस्रो सेमिफाईलन खेल नविन औद्योगिक कद्दर बहादुर रिता मावि र शान्ति नमुना माविको ‘ए’ टिमका बिचमा हुने छ । शुक्रबार नै सेमिफाईलन खेल सकिए लगत्तै फाइनल खेल समेत गरिने र पुरस्कार वितरण समेत कार्यक्रम आयोजना गरिएको क्याम्पसका अतिरिक्त क्रियाकलपा संयोजक शर्माको भनाइ छ ।

प्रतियोगितामा बिजेता समूहले २० हजार नगद सहित कप, मेडल र प्रमाणपत्र प्राप्त गर्ने छन् भने उपविजेता टिमले १५ हजार नगद सहित कप, मेडल र प्रमाणपत्र प्राप्त गर्ने छन् । प्रतियोगितामा म्यान अफ द म्याचलाई १ हजार, म्यान अफ द सिरिजलाई २ हजार ५ सय, बेष्ट बलर, बेष्ट ब्याट्सम्यानलाई १ हजार ५ सय सहित ट्रफी र प्रमाणपत्र प्रदान गरिने छ । सुपर सिक्स फम्र्याटमा खेलाइएको प्रतियोगितामा ६ जना खेलाडी र ६ ओभरको खेल रहेको छ ।