खोज

बुटवल, ७ फागुन ।
बुटवलमा जारी मेयर कप अन्तर विद्यालय फुटबल प्रतियोगिता अन्तर्गत तेस्रो दिन प्रिक्वाटरफाईनल चरणका पाँच खेल सम्पन्न भएको छ । बुटवलको तामनगर स्थित चारपाला खेल मैदानमा भएको खेलमा नवरत्न माविलाई नविन औद्योगिक माविले ४–१ गोल अन्तरले पराजित गरेको छ । यसैगरि चारपाला खेल मैदानमै भएको सरस्वती माविले त्रिभुवन युनाइटेड स्कुललाई ३–० गोल अन्तरले पराजित गरेको छ ।

यसैगरि जवई खेलमैदानमा भएको प्रिक्वाटरफाईनल खेलमा नयाँगाउँ माविले सरस्वती आधारभूत विद्यालयलाई ३–० गोल अन्तरले पराजित गरेको छ भने मोतिपुर माविले ज्ञानोदय माविलाई ४–० गोल अन्तरले पराजित गरेको छ । जवई खेलमैदानमा भएको प्रिक्जाटर खेलमा न्यु होराइजनले प्रगति माविलाई २–० गोल अन्तरले पराजित गरेको छ ।

बिहीबार चारपाला खेल मैदानमा क्वाटरफाईनल खेलमा नविन औद्योगिक मावि र सरस्वती मावि तथा कान्ति मावि र स्कलर्स होम बिच हुने छ । यसैगरि जवई खेलमैदानमा छात्रतर्फ भने नयाँगाउँ मावि र न्यु होराइजन तथा मोतिपुर र अक्सफोर्ड मावि बिच प्रतिस्पर्धा हुने छ ।
छात्रा तर्फ पनि क्वाटरफाईनल खेलमा न्यु होराइजन र अक्सफोर्ड मावि तथा कान्ति मावि र गार्गी माविबीच प्रतिस्पर्धा हुने छ । प्रतियोगितामा छात्रतर्फ २५ टिम र छात्रातर्फ १० टिमको सहभागिता रहेको नगर खेलकुद बिकास समितिका अध्यक्ष बोनिन पियाले बताए ।