खोज

दाङ, ५ फागुन ।

प्रधानमन्त्री एंव नेकपा एमालेका अध्यक्ष केपी शर्मा ओलीले देश बिकासका लागि सरकार र पार्टी दुबैको ध्यान पुगेको बताएका छन् । नेकपा एमाले दाङको आयोजनामा दाङको घोराहीमा भएको बृहत आमसभालाई सम्बोधन गर्दै उनले दाङ कृषिमा उर्वर भूमि भएको र हिजो विकासमा पछाडि परेको भए पनि अब विकासमा अगाडि बढेको बताए । बुद्धको जन्म भएको तपोभूमी लुम्बिनी प्रदेशका हरेक क्षेत्रमा अब बिकास हुने उनले बताए ।

“घोराही –तुलसीपुर सडक चौडा गर्ने लामो समयको प्रयासबाट यो सडकमा बजेट राखिएको हो” उनले भने, “कामको सुरुवात भएको छ, तुरुन्त प्रारम्भ हुने छ ।” तुलसीपुरको एयरपोर्टका लागि यो बर्ष वजेट नपरेको उनले उल्लेख गर्दै दाङ आउने शीर्ष दलका नेताले एयरपोर्ट बनाउछौ भनेको सुन्दा अचम्म लाग्ने बताए । ‘एयरपोर्ट बिस्तारका लागि आगामी बजेटमा पारिने छ र काम अगाडि बढाइने छ’ उनले भने । प्रदेश भित्र सुरुङमार्ग निमार्णको समयमा यो बन्दैन भन्दै धेरैले गिज्याए तर अब यो काम पूरा हुने भएको छ ।

दाङको समृद्धि र बिकासका लागि निर्वाचनको समयमा सही र योग्य नेतालाई नछान्नुको परिणाम दाङ विकासमा पछाडि परेकाले उनले आगामी निर्वाचनमा शंकर पोखरेललाई बिजय गराएमा मिसन ८४ लाई पूरा गर्न सहयोग पुग्छ र दाङको समृद्धिका लागि सहयोग पुग्ने बताए ।

देश बिकास गर्नका लागि संकल्प गरेका छौं । दाङ खेतीका लागि उर्बरभूमि भएकोले सबै जमिनमा पानीको सुबिधा पुर्याउने उनले बताए । अहिलेको समीकरण देशमा विकास र रास्ट्रियताका लागि हो । हामी काम गर्छौ, हामीलाई बिश्वास गर्नुहोस् उनले भने । उनले युवाहरुलाई लक्षित गर्दै भने,आइटीको समयमा छौ यही बसेर आइटी सिक्नुहोस । हिजोको जस्तो होइन अब घर मै बसेर कमाई गर्न सकिन्छ । देशमा युवाले मात्र गर्न सक्छन् भन्ने यस्ता खालका भ्रम छर्नेका कुरा नपत्याउन आग्रह गरे ।

देशको अर्थतन्त्र खोक्रो माओवादीले बनाएको दावी गर्दै प्रधानमन्त्री ओलीले अर्थतन्त्र मजबुत एमालेले बनाउने दावी गरे । माओवादी विदेशी इशारामा चल्ने गरेको दावी गर्दै प्रधानमन्त्री ओलीले भने,विदेशीको इशारामा काम गर्ने सबै पार्टी किनारा लाग्छन् ।

दाङ जिल्ला अध्यक्ष शिवकुमार आचार्यको अध्यक्षतामा भएको कार्यक्रममा नेकपा एमालेका महासचिव शंकर पोखरेलले नेपाल जुन ढंगले अगाडि बढेको छ त्यो उपलब्धि नेकपा एमालेले गरेको बताए । मुलुकको निरासालाई चिर्नका लागि नेकपा एमाले सरकारमा आएर समृद्धिको पाइला अगाडि बढेको उनले बताए ।