दाङ, ४ फागुन।
नेकपा एमाले दाङकाे आयाेजनामा भाेली घाेराहीमा हुने बृहत् जनसभाकाे तयारी पूरा भएकाे छ । सभाका लागि मञ्च व्यवस्थापन,स्वंयसेवक परिचालन,माईक तथा साउण्डसिस्टम व्यवस्थापन,प्रचारप्रसार,यातायात व्यवस्थापन लगायतका काम सम्पन्न भैसकेकाे आयाेजकले आज पत्रकार सम्मेल गरि जानकारी गराएकाे छ। प्रधानमन्त्री तथा पार्टी अध्यक्ष केपी शर्मा ओलीकाे उपस्थितिमा जिल्ला समन्वय समितिकाे मञ्चमा हुने सभामा करिव ५० हजार जनताकाे सहभागिता हुने एमाले दाङका अध्यक्ष शिवकुमार आचार्यले जानकारी दिए ।
जनसभा अघि घाेराहीका चार वटा क्षेत्रबाट बिभिन्न संस्कृति झल्कने झाँकी सहितकाे रर्याली निकालिने एमाले दाङका उपाध्यक्ष तथा जनपरिचालन उपसमितिका संयाेजक मनाेहर बुढाथाेकीले जानकारी दिए । त्यसका लागि पूर्वबाट आउने जनता ट्राफिक चाेक,दक्षिणबाट आउने नेत्रलाल पार्क गुलरिया,उत्तरबाट आउने सभागृहबाट र पश्चिमबाट आउनेलाई रतनपुर चाेकमा जम्मा गरेर बृहत् र्र्याली निकालिनेछ । दिउसाे १२ बजेदेखि र्याली दामाेदर चाेकमा एकीकृत भएर सहिद गेट हुँदै सभास्थलमा पुग्ने हुँदा सभालाई व्यवस्थित बनाउन करिव ३०० जना स्वयंसेवक परिचालन गरिएको युवा स्वयंसेवक परिचालन उपसमितिका संयाेजक सुदन केसीले जानकारी दिए ।
प्रधानमन्त्रीले लुम्बिनी प्रदेश सभाको बैठकलाई बिशेष सम्वोधन गर्ने
लुम्बिनी प्रदेश सभाको बैठकलाई प्रधानमन्त्री केपी शर्मा ओलीले बिशेष सम्वोधन गर्ने कार्यक्रम रहेको छ । सोमवार बस्ने बैठकलाई प्रधानमन्त्री ओलीले बिशेष सम्वोधन गर्नुहुने लुम्बिनी प्रदेशका मुख्यमन्त्री चेतनारायण आचार्यले बताए । प्रधानमन्त्रीको आगमन र सम्वोधनको सम्पूर्ण तयारी पुरा भएको प्रदेश सभा सचिव दुर्लभकुमार पुन मगरले जानकारी दिए । बिहान साढे ११ बजे प्रदेश सभाको बैठकलाई प्रधानमन्त्रीले बिशेष सम्वोधन गर्नेगरि बैठक बस्ने कार्यसूची तयार भएको छ ।
लुम्बिनी प्रदेशका सभामुख तुलाराम घर्ती मगरले मुख्यमन्त्री चेतनारायण आचार्य मार्फत प्रधानमन्त्री केपी शर्मा ओलीलाई बिशेष सम्वोधनकालागि निमन्त्रण गरेका थिए । लुम्बिनी प्रदेश सभा नियमावली, २०७९ को नियम २२० को उपनियम (२) बमोजिम निमन्त्रणा गरिएको थियो ।
२७ मंसिर २०८२, शनिबार
