खोज

सुर्खेत,२ फागुन ।

मानवसेवा आश्रम सुर्खेतको भवन निर्माणको लागि समिति गठन गरिएको छ । भवन निर्माणको लागि निर्माण समिति, सल्लाहकार समिति र विकास समिति गठन गरिएको छ । आश्रमका केन्द्रीय अध्यक्ष रामजी अधिकारीको अध्यक्षतामा बसेको बैठकले समितिहरू गठन गरेका हुन् ।

चक्रबहादुर रावतको अध्यक्षता (संयोजक) मा भवन निर्माण समिति गठन भएको छ । समितिको उपाध्यक्षमा टोपबहादुर खड्का, सह संयोजकमा भक्तबहादुर बुढा, सचिवमा सुमन कार्की, सह संयोजकमा भक्तबहादुर बुढा र कोषाध्यक्षमा सुजन गौतम रहेका छन् । यस्तै समितिको सदस्यहरूमा मानबहादुर वि.सी, तारा आचार्य लगायतका रहेका छन् ।

त्यसैगरी विकास समितिको संयोजकमा डा. नवराज केसी, सहसंयोजकमा सागर भुसाल, कोषाध्यक्षमा सन्जिता गौतम रहेका छन् । त्यसैगरी सदस्यहरूमा टोपबहादुर खड्का,चक्रबहादुर रावत, अनिता ज्ञवाली, खगेन्द्र अधिकारी, युवराज ओझा, भक्तबहादुर बुढालगायत २८ जनाको समिति गठन गरीएको छ ।

यता सल्लाहकार समिति संयोजकमा टिकाराम चपाई, वडा अध्यक्षहरु अध्यक्ष दिनेश खत्री, खिमलाल देवकोटा, दिलबहादुर रखाल , चूडामणि चपाई, मोतीप्रसाद कँडेल र धनबहादुर रावत रहेका छन् ।

मानवसेवा आश्रमको कर्णाली प्रदेशस्तरीय भवन निर्माणको लागि गएको मंसिर २१ गतेदेखि २८ गतेसम्म वीरेन्द्रनगर खुलामञ्चमा श्रीमद् भागवत सप्ताह ज्ञान विज्ञान महायज्ञ–२०८१ आयोजना गरिएको थियो ।महायज्ञबाट १० करोड रूपैयाँ रकम संकलन भएको छ । आश्रमलाई भवन निर्माणका लागि वीरेन्द्रनगर नगरपालिका–११ स्थित गंगामाला धार्मिक वन तथा देउती बज्यै सामुदायिक वन उपभोक्ता समितिले १८ हेक्टर जग्गा दान गरेको छ ।