खोज

चन्द्रौटा(कपिलवस्तु), ३० माघ ।

पछिल्लो समय इलाका प्रहरी कार्यालय कृष्णनगरले सीमा क्षेत्रमा तदारुकताका साथ निगरानी बढाएको छ । निगरानी बढाएसँगै अपराधी गतिविधि न्यूनीकरण भएको देखिन्छ । यस्तै कपिलवस्तु कृष्णनगरमा लागुऔसधसहित दुई जना पक्राउ परेका छन् ।

इलाका प्रहरी कार्यालय कृष्णनगर कपिलवस्तुबाट गत सोमबार खटिएको एक प्रहरी टोलीले करिब दिउसो ३ः३० बजेको समयमा जिल्ला कपिलवस्तु कृष्णनगर लिंकगेटबाट लागू औषध (ब्राउन सुगर) सहित तीन पक्राउ गरेको हो ।

भारतबाट नेपालतर्फ आउँदै गरेको भारतीय नम्बर प्लेट एम ०२ सिडी १५२६ नम्बरको कार चेकजाँच गर्ने क्रममा गाडीमा सवार भारत उत्तर प्रदेश जिल्ला सिदार्थनगर पोष्ट बढ्नी ग्राम दुधवानिया बुजुर्ग बस्ने बर्ष अन्दाजी ३६ को इकरामुद्दीनको शरिर पूर्वक खानतलासी गर्दा निजबाट एक प्याकेट लागू औषध ब्राउन सुगर, १ सय मिलिग्राम बरामद भएको इलाका प्रहरी कार्यालय कृष्णनगरका प्रहरी निरिक्षक सुरज खत्रीले बताए । उनका अनुसार सोही कार खानतलासी गर्दा उक्त गाडीबाट ५ प्याकेट लागू औषध ब्राउन १ सय ६० मिलिग्राम गरि जम्मा २ सय ६० मिलिग्राम लागू औषध ब्राउन सुगर फेला पारेको हो ।

कार चालक भारत उत्तर प्रदेश जिल्ला सिदार्थनगर पोष्ट बढ्नी ग्राम दुधवानिया बुजुर्ग बस्ने बर्ष अन्दाजी १९ को नसिम खान र सोही गाडीमा सवार इकरामुद्दीनलाई पक्राउ गरि कपिलवस्तु जिल्ला अदालतबाट सात दिनका लागि म्याद थप गरि अनुसन्धान भइरहेको जिल्ला प्रहरी कार्यालय कपिलवस्तुले जनाएको छ । केही महिना अघि प्रहरी निरीक्षक खत्रीले गरेको योगदानको कदर गर्दै जिल्ला प्रहरी कार्यालय कपिलवस्तुले महिनाको उत्कृष्ट प्रहरीको रुपमा सम्मान समेत गरेको छ ।