© २०२३
२५ मंसिर २०८२, बिहीबार
२५ मंसिर २०८२, बिहीबार
दाङ, २३ माघ।
घोराही उपमहानगरपालिका वडा नं. ८ का अध्यक्ष जितेन्द्र शाहलाई एमालेले कारबाही गरेको छ । एमाले जिल्ला कमिटीको बुधबार घोराहीमा बसेको बैठकले शाहलाई साधारण सदस्य पनि नरहने गरी कारबाही गरेको हो । पार्टी हितविपरीत काम गरेका कारण शाहलाई कारबाही गरिएको एमाले दाङका प्रचार विभाग प्रमुख संगित बस्यालले बताए ।
शाहले सार्वजनिकरुपमा र सामाजिक सञ्जालमा पार्टी र नेताविरुद्ध अभिव्यक्ति दिने गरेको र पटकपटक सचेत गराउँदा पनि सुधार नभएपछि कारबाही गरिएको उनले बताए । शाह २०७९ को निर्वाचनमा एमालेबाट वडाध्यक्ष निर्वाचित भएका थिए ।
बैठकले यही फागुन ५ गते एमाले अध्यक्ष एवं प्रधानमन्त्री केपी शर्मा ओलीले सम्बोधन गर्ने गरी घोराहीमा आयोजित सभालाई सफल पार्न जिल्ला अध्यक्ष शिवकुमार आचार्यको संयोजकत्वमा १ सय ७६ सदस्यीय मूल व्यवस्थापन समिति र विभिन्न उपसमिति गठन गरेको बस्यालले जानकारी दिए ।
© २०२३
सर्वाधिकार सुरक्षित
Design & Developed By:
