© २०२३
२८ मंसिर २०८२, आइतबार
२८ मंसिर २०८२, आइतबार
काठमाण्डौ, २१ माघ ।
अन्तर्राष्ट्रिय क्रिकेट काउन्सिल (आईसीसी) ले १९ वर्षमुनिको महिला टी–२० विश्वकप क्रिकेट २०२५ को ‘टिम अफ द टुर्नामेन्ट’ अर्थात् प्रतियोगिताको टोली घोषणा गरेको छ।
यो टोलीमा नेपालकी कप्तान पूजा महतो पनि अटाएकी छन्। प्रतियोगितामा सहभागिता जनाएका उत्कृष्ट १२ खेलाडीमा पूजा महतो सामेल भएकी हुन्। टोलीमा भारतका ४, दक्षिण अफ्रिकाका ३, इङ्गल्यान्डका २, र नेपाल, श्रीलङ्का र अस्ट्रेलियाका १/१ खेलाडी छन्। पूजा महतो एसोसिएट राष्ट्रबाट टिममा परेका एकमात्र खेलाडी हुन्।
नेपालले पहिलो पटक १९ वर्षमुनिको महिला टी–२० विश्वकपमा सहभागिता जनाएको थियो र समूह चरणका ३ वटै खेलमा हार बेहोरे पनि प्लेअफमा मलेसियालाई हराउँदै पहिलो जित हात पारेको थियो। प्रतियोगितामा पूजा महतोले उत्कृष्ट प्रदर्शन गर्दै ७० रन बनाउनुका साथै ९ विकेट लिएकी थिइन्।
उपाधि विजेता भारतले लगातार दोस्रो पटक १९ वर्षमुनिको महिला टी–२० विश्वकपको उपाधि जितेको हो। यसअघि, सन् २०२३ मा भएको पहिलो संस्करणमा भारतले इङ्गल्यान्डलाई हराएर उपाधि जितेको थियो।
© २०२३
सर्वाधिकार सुरक्षित
Design & Developed By:
